തിരുവനന്തപുരം: ഐ.ടി.എഫ് ഫ്യൂചേഴ്‌സ് ടെന്നിസ് ടൂർണമെൻറ് പുരുഷവിഭാഗം സിംഗിൽസിൽ പ്രഗ്നേഷ് ഗുണേശ്വരന് കിരീടം. രണ്ടാം സീഡായ ശ്രീറാം ബാലാജിയെ ഫൈനലിൽ പരാജയപ്പെടുത്തിയാണ് ഗുണേശ്വരൻ ജേതാവായത്. സ്കോർ: 7-5,6-3. ഐ.ടി.എഫ്.ഫ്യൂചേഴ്‌സ് പരമ്പരയിൽ ഗുണേശ്വരെൻറ രണ്ടാം കിരീടമാണിത്. ആദ്യ സെറ്റിൽ 1-4നു പിന്നിട്ടുനിന്ന ശേഷമായിരുന്നു തിരിച്ചുവരവ്. രണ്ടാം സെറ്റിൽ അഞ്ചാം ഗെയിമിൽ ബാലാജിയെ ബ്രേക്ക് ചെയ്ത് ഗുണേശ്വരൻ മുന്നിലെത്തി (3-2). ഒമ്പതാം ഗെയിമിൽ ബാലാജിയെ ബ്രേക്ക് ചെയ്ത് കിരീടം സ്വന്തമാക്കി. മത്സരം 53 മിനിറ്റ് നീണ്ടു. ഗുണേശ്വരനും ബാലാജിയും ഇന്ത്യൻ ഡേവിസ് കപ്പ് ടീമിലെ അംഗങ്ങളാണ്. ഏപ്രിൽ ആദ്യമാണ് ഡേവിസ് കപ്പ്. ഡേവിസ് കപ്പിനുള്ള ക്യാമ്പ് ഏപ്രിൽ രണ്ടിന് ബംഗളൂരുവിൽ തുടങ്ങും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.