ഇന്ത്യൻ വെൽസ് ഫൈനലിൽ തോൽവി; ഫെഡററുടെ സ്വപ്നക്കുതിപ്പിന് അന്ത്യം

ഇന്ത്യൻ വെൽസ്​: ഇന്ത്യൻ വെൽസ്​ ഒാപൺ ഫൈനലിൽ ലോക ഒന്നാം നമ്പർ താരം റോജർ ഫെഡററിന് തോൽവി. അർജൻറീനയുടെ ഡെൽപോർ​േട്ടായാണ്​ ഫൈനലിൽ ഫെഡററെ അട്ടിമറിച്ചത്. സ്കോർ: 6-4 5-7 (8-10) 7-6 (7-2). ഇൗ വർഷം സീസണിൽ തുടർച്ചയായ 17ാം ജയവുമായി മുന്നേറുകയായിരുന്ന ഫെഡററുടെ കുതിപ്പിനാണ് അന്ത്യമായത്. 2006ൽ നേടിയ 16 തുടർജയങ്ങളെന്ന സ്വന്തം റെക്കോഡ്​ മറികടന്നാണ് ഫെഡറർ 17ലെത്തിയത്.

2018ൽ ഫെഡററെ തോൽപിക്കുന്ന ആദ്യ താരമാണ് ലോക എട്ടാം റാങ്കുകാരനായ ഡെൽപോർ​േട്ടാ. മണിബന്ധത്തിനുണ്ടായ പരിക്ക് മൂലം 29 കാരനായ ഇദ്ദേഹത്തിന് മൂന്നു തവണ ശസ്ത്രക്രിയ നടത്തിയിരുന്നു. പിന്നീട് 2018ൽ അദ്ദേഹത്തിൻറെ തിരിച്ചുവരവ് അസൂയവഹമായിരുന്നു.
 

What a battle today. Congrats on a fantastic tournament and match, @delpotrojuan pic.twitter.com/bqf4LyL1B8

— Roger Federer (@rogerfederer) March 19, 2018

മാർച്ചിൽ കഴിഞ്ഞ അഞ്ച് വർഷത്തെ ആദ്യ എ.ടി.പി കിരീടം നേടിയതും ആദ്യ പത്താം റാങ്കുകാരിലെത്താനും അദ്ദേഹത്തിനായി. കഴിഞ്ഞ സെപ്തംബറിൽ യു.എസ്. ഓപ്പണിൽ ഫെഡററെ അദ്ദേഹം തോൽപിച്ചിരുന്നു. ക്രൊയേഷ്യൻ താരം ബോണ കോറിക്കിനെ 5-7, 6-4, 6-4 സ്​കോറുകൾക്ക്​ തോൽപിച്ചാണ്​ ഫെഡറർ ഫൈനലിൽ പ്രവേശിച്ചത്​.