മഡ്രിഡ്: സ്പാനിഷ് ലാ ലിഗയിലെ പുതുവർഷ അങ്കത്തിൽ ബാഴ്സലോണയും റയൽ മഡ്രിഡും വീ ണ്ടും ഒപ്പത്തിനൊപ്പം. റയൽ മഡ്രിഡ് ഗെറ്റാഫെയെ 3-0ത്തിന് വീഴ്ത്തിയപ്പോൾ, കാറ്റലോണി യൻ പോരാട്ടത്തിൽ ബാഴ്സലോണയെ എസ്പാന്യോൾ 2-2ന് സമനിലയിൽ പൂട്ടി. ഇതോടെ, പോയൻറ് പട്ടികയിൽ ബാഴ്സയും (40), റയലും (40) തുല്യനിലയിലായി. ശനിയാഴ്ച രാത്രിയിലെ അങ്കത്തിൽ റാഫേൽ വറാനെയുടെ ഇരട്ട ഗോളും (34, 53), അവസാന മിനിറ്റിൽ വാൽവർഡെ നടത്തിയ കൗണ്ടർ അറ്റാക്ക് ഗോളാക്കിയ ലൂകാ മോഡ്രിച്ചും (96) ചേർന്നാണ് റയലിന് മൂന്ന് ഗോളിെൻറ മിന്നും ജയമൊരുക്കിയത്. തുടർച്ചയായി മൂന്നു കളിയിൽ സമനില വഴങ്ങിയതിെൻറ ക്ഷീണം മാറ്റുന്നതായിരുന്നു ഈ ജയം.
തൊട്ടുപിന്നാലെ കളത്തിലിറങ്ങിയ ബാഴ്സലോണക്ക് ജയിച്ചാൽ ലീഡ് നിലനിർത്താമായിരുന്നു. എന്നാൽ, നാട്ടുകാരായ എസ്പാന്യോൾ തുടക്കത്തിൽ തന്നെ േഗോളടിച്ച് (ഡേവിഡ് ലോപസ്, 23ാം മിനിറ്റ്) വിറപ്പിച്ചു. രണ്ടാം പകുതിയിൽ ലൂയി സുവാരസും (50), അർതുറോ വിദാലും (59) ബാഴ്സക്ക് ലീഡ് നൽകിയെങ്കിലും 88ാം മിനിറ്റിൽ ചൈനീസ് താരം വു ലീ എസ്പാന്യോളിെൻറ സമനില ഗോൾ കുറിച്ചു. കഴിഞ്ഞ കളിയിൽ ജയത്തോടെ ബാഴ്സ നേടിയ ലീഡ് ഈ സമനിലയോടെ കൈവിട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.