മഡ്രിഡ്: അടുത്ത സീസണിലേക്ക് ടീമിനെ ഒരുക്കിക്കൊണ്ടിരിക്കുന്ന സിനദിൻ സിദാൻ യുവത ാരം മാരിയാനോ ഡയസിെൻറ പ്രകടനത്തിൽ ഹാപ്പിയാണ്. ഡബ്ൾ ഗോളുമായി ഡിയസ് തിളങ്ങിയ മ ത്സരത്തിൽ വിയ്യ റയലിനെ 3-2ന് റയൽ മഡ്രിഡ് തോൽപിച്ചു.
കരീം ബെൻസേമ, ഗാരത് ബെയ്ൽ എന്നിവരുടെ അഭാവത്തിൽ ബ്രാഹിം ഡിയസ്, മാരിയാനോ ഡിയസ്, ലൂകാസ് വാസ്കസ് എന്നിവരായിരുന്നു മുന്നേറ്റത്തിൽ. മാരിയാനോ ഡയസിലൂടെ രണ്ടാം മിനിറ്റിൽതന്നെ റയൽ അക്കൗണ്ട് തുറന്നു.
11ാം മിനിറ്റിൽ ജെറാർഡ് മൊറീനോയിലൂടെ വിയ്യ റയൽ തിരിച്ചടിച്ചെങ്കിലും പ്രതിരോധതാരം ജീസസ് വല്ലേയോയുടെ (40) ഗോളിൽ റയൽ വീണ്ടും മുന്നിലെത്തി. രണ്ടാം പകുതിയിൽ മാരിയാനോ (49) രണ്ടാമതും ലക്ഷ്യം കണ്ടതോടെ റയലിന് ആശ്വാസമായി.
ഇഞ്ചുറി സമയത്താണ് വിയ്യ റയൽ (ജുമെ കോസ്റ്റ-94) രണ്ടാം ഗോൾ നേടിയത്. രണ്ടു മത്സരം ബാക്കിയിരിക്കെ 68 പോയൻറുമായി ബാഴ്സലോണക്കും (83) അത്ലറ്റികോ മഡ്രിഡിനും (74) പിന്നിൽ മൂന്നാം സ്ഥാനത്താണ് റയൽ മഡ്രിഡ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.