മലപ്പുറം: കേരളം ആദ്യമായി ആതിഥ്യം വഹിക്കുന്ന യൂത്ത് അത്ലറ്റിക് മീറ്റിന് വ്യാഴാഴ്ച തുടക്കമാകും. കാലിക്കറ്റ് സര്വകലാശാല സി.എച്ച്. മുഹമ്മദ് കോയ സ്റ്റേഡിയത്തിലെ സിന്തറ്റിക് ട്രാക്കിലാണ് മത്സരം. ഒരുക്കം പൂര്ത്തിയായെന്ന് സംഘാടകരായ മലപ്പുറം ജില്ലാ അത്ലറ്റിക് അസോസിയേഷന് ഭാരവാഹികള് വാര്ത്താസമ്മേളനത്തില് അറിയിച്ചു. 26ന് രാവിലെ 6.30ന് 3000 മീറ്റര് മത്സരത്തോടെ ട്രാക്കുണരും. വൈകീട്ട് നാലിനാണ് ഉദ്ഘാടന ചടങ്ങ്. മൂന്നു ദിവസങ്ങളിലായി നടക്കുന്ന ചാമ്പ്യന്ഷിപ്പില് മുഴുവന് സംസ്ഥാനങ്ങളിലെയും കേന്ദ്രഭരണ പ്രദേശങ്ങളായ പുതുച്ചേരി, ഛണ്ഡിഗഢ്, ലക്ഷദ്വീപ് എന്നിവയിലേതുള്പ്പെടെ 612 കായികതാരങ്ങള് മാറ്റുരക്കും. ആദ്യമായാണ് ലക്ഷദ്വീപ് ദേശീയ യൂത്ത് അത്ലറ്റിക് ചാമ്പ്യന്ഷിപ്പില് പങ്കെടുക്കുന്നത്. ഗുജറാത്ത് ടീം തിങ്കളാഴ്ചയത്തെി. നിലവിലെ ചാമ്പ്യന്മാരായ കേരളത്തില്നിന്ന് 100 താരങ്ങള് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.