വിശാഖപട്ടണം: സയ്യിദ് മുഷ്താഖ് അലി ട്രോഫി ട്വൻറി20 ക്രിക്കറ്റ് ദക്ഷിണ മേഖല റൗണ്ടിൽ കേരളത്തിന് തോൽവിയോടെ തുടക്കം. ഹൈദരാബാദിനെതിരെ 10 റൺസിനായിരുന്നു േതാറ്റത്. ടോസ് നേടിയ കേരളം എതിരാളിയെ ബാറ്റിങ്ങിനയച്ചപ്പോൾ അവർ അഞ്ചു വിക്കറ്റ് നഷ്ടത്തിൽ168 റൺസെടുത്തു.
അമ്പാട്ടി രായുഡു (52), അക്ഷത് റെഡ്ഡി (34) എന്നിവരുെട ബാറ്റിങ്ങാണ് ഹൈദരാബാദിന് മികച്ച ടോട്ടൽ സമ്മാനിച്ചത്. മറുപടി ബാറ്റിങ്ങിനിറങ്ങിയ കേരളത്തിനായി ക്യാപ്റ്റൻ സചിൻ ബേബി വെടിക്കെട്ട് പ്രകടനം (50 പന്തിൽ 79) കാഴ്ചവെച്ചെങ്കിലും അവസാന ഒാവറിൽ കളി കൈവിട്ടു. 20ാം ഒാവറിൽ സചിെൻറ പുറത്താവലാണ് മത്സരം നഷ്ടപ്പെടുത്തിയത്. വിഷ്ണു വിനോദ് (22), രോഹൻ പ്രേം (22) എന്നിവരാണ് മികച്ച രണ്ടാമത്തെ സ്കോറർമാർ. കേരളത്തിന് ഏഴു വിക്കറ്റ് നഷ്ടത്തിൽ158 റൺസെടുക്കാനേ കഴിഞ്ഞുള്ളൂ. ഇന്ന് രണ്ടാം അങ്കത്തിൽ കേരളം തമിഴ്നാടിനെ നേരിടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.