മുംബൈ: ഇന്ത്യയുടെ ആദ്യകാല ഒാപണിങ് ബാറ്റ്സ്മാൻ മാധവ് ആപ്തെ (86) അന്തരിച്ചു. ഹൃദയാഘാതംമൂലം മുംബൈയിലെ ആശുപത്ര ിയിലായിരുന്നു അന്ത്യം. ഏഴു ടെസ്റ്റ് മത്സരങ്ങളിൽനിന്ന് 49.24 റൺസ് ശരാശരിയിൽ 542 റൺസെടുത്തു. ഒരു ടെസ്റ്റ് പരമ്പരയിൽ 400 റൺസിലധികം സ്കോർ ചെയ്ത ആദ്യ ഒാപണറെന്ന റെക്കോഡ് ആപ്തെക്കാണ് (1953ൽ വിൻഡീസിനെതിരെ 460 റൺസ്).
വിനു മങ്കാദ്, പോളി ഉമ്രിഗർ, വിജയ് ഹസാരെ, റൂസി മോദി എന്നിവരുടെ സമകാലികനായ ആപ്തെ ആഭ്യന്തര ക്രിക്കറ്റിൽ മുംബൈയെ നയിച്ചിട്ടുണ്ട്. ക്രിക്കറ്റ് ക്ലബ് ഒാഫ് ഇന്ത്യ പ്രസിഡൻറായിരിക്കേ ആപ്തെ നിയമങ്ങളിൽ വരുത്തിയ മാറ്റങ്ങളുടെ അടിസ്ഥാനത്തിലാണ് ഇതിഹാസതാരം സച്ചിൻ ടെണ്ടുൽക്കറിന് ക്ലബിനായി കളിക്കാനായത്. സചിൻ ടെണ്ടുൽകർ, വിനോദ് കാംബ്ലി, യൂസുഫ് പത്താൻ തുടങ്ങിയവർ അനുശോചിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.