തിരുവല്ല: ആന്ധ്രപ്രദേശിലെ ചിറ്റൂരിൽ മേയ് ഒന്നുമുതൽ ആറുവരെ നടക്കുന്ന 32ാമത് ഫെഡറേഷൻ കപ്പ് ബാസ്കറ്റ്ബാളിൽ കേരള ടീമിനെ കെ.എസ്.ഇ.ബിയുടെ പി.ജി. അഞ്ജന നയിക്കും. ഡിവിഷനൽ ചാമ്പ്യന്മാരായ കൊച്ചിൻ കസ്റ്റംസാണ് കേരള പുരുഷ ടീമിനെ പ്രതിനിധാനംചെയ്യുന്നത്.
ഒമ്പത് വീതം പുരുഷ-വനിത ടീമുകൾ മാറ്റുരക്കുന്ന ടൂർണമെൻറിൽ രണ്ടു ഗ്രൂപ്പുകളായി തിരിച്ച് ലീഗ് കം നോക്കൗട്ട് രീതിയിലാണ് മത്സരങ്ങൾ. വനിതകളിൽ ഛത്തിസ്ഗഢ്, തമിഴ്നാട്, കർണാടക, ആന്ധ്ര എന്നീ സംസ്ഥാനങ്ങളടങ്ങുന്ന ‘എ’ ഗ്രൂപ്പിലാണ് കേരളം. പുരുഷന്മാർ കരുത്തരായ ഒ.എൻ.ജി.സി, ബി.എസ്.എഫ്, എം.ഇ.ജി ബംഗളൂരു, ആന്ധ്ര എന്നിവരോടൊപ്പം എ ഗ്രൂപ്പിലുമാണ് മത്സരിക്കുന്നത്.
കേരള വനിത ടീം: അഞ്ജന പി.ജി (ക്യാപ്റ്റൻ), ജീന പി.എസ്, റോജ മോൾ, ജി. ഷിൽജി ജോർജ്, കവിതാ ജോസ്, അനീഷാ ക്ലീറ്റസ് (കെ.എസ്.ഇ.ബി), നീനു മോൾ പി.എസ്, ചിപ്പി മാത്യു, റിയ രാജേന്ദ്രൻ (കേരള പൊലീസ്), ലിതാര കെ.സി (സെൻറ് ജോസഫ് കോളജ് ഇരിങ്ങാലക്കുട), അമൃത (എസ്.ഇ.എസ് കോളജ് ശ്രീകണ്ഠാപുരം), അഞ്ജു മാത്യു(സെൻറ് സേവ്യേഴ്സ് കോളജ് ആലുവ). കോച്ച് പി.സി. ആൻറണി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.