ഇന്ത്യന് ഹോക്കി ടീം
ചെന്നൈ: ജൂനിയർ ഹോക്കി ലോക കിരീടം ലക്ഷ്യമിടുന്ന ആതിഥേയരായ ഇന്ത്യക്ക് ഞായറാഴ്ച സെമി ഫൈനൽ പോരാട്ടം. നിലവിലെ ജേതാക്കളായ ജർമനിയാണ് പി.ആർ. ശ്രീജേഷ് പരിശീലിപ്പിക്കുന്ന സംഘത്തിന്റെ എതിരാളികൾ. രാത്രി എട്ടിന് മേയർ രാധാകൃഷ്ണൻ സ്റ്റേഡിയത്തിൽ മത്സരം നടക്കും. വൈകീട്ട് 5.30ന് ഒന്നാം സെമിയിൽ സ്പെയിനിനെ അർജന്റീന നേരിടും.
കഴിഞ്ഞ ദിവസം നടന്ന ക്വാർട്ടർ ഫൈനലിൽ ബെൽജിയത്തെ പെനാൽറ്റി ഷൂട്ടൗട്ടിൽ തോൽപിക്കുകയായിരുന്നു ഇന്ത്യ. കളി 2-2ൽ കലാശിച്ചതോടെയാണ് ടൈബ്രേക്കർ വേണ്ടിവന്നത്. 4-3നായിരുന്നു ജയം. പ്രാഥമിക റൗണ്ടിലെ മൂന്നു വൻ വിജയങ്ങളുമായാണ് ഇന്ത്യ ക്വാർട്ടർ ഫൈനലിലെത്തിയത്. 29 ഗോൾ സ്കോർ ചെയ്തപ്പോൾ ഒരെണ്ണംപോലും വഴങ്ങിയിരുന്നില്ല. ഫ്രാൻസിനെയാണ് ജർമനി ക്വാർട്ടറിൽ വീഴ്ത്തിയത്. അർജന്റീന നെതർലൻഡ്സിനെയും സ്പെയിൻ ന്യൂസിലൻഡിനെയും തോൽപിച്ച് അവസാന നാലിലെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.