ജൂനിയർ ബാസ്കറ്റ്ബാൾ: കേരള വനിതകൾ ക്വാർട്ടറിൽ

ഭുവനേശ്വർ: 73ാമത് ദേശീയ ജൂനിയർ ബാസ്‌കറ്റ്ബാൾ ചാമ്പ്യൻഷിപ്പിൽ കേരളം വനിത വിഭാഗത്തിൽ ക്വാർട്ടർ ഫൈനലിൽ പ്രവേശിച്ചു. കർണാടകക്കെതിരെ 68-45 എന്ന സ്‌കോറിന് ജയിച്ചാണ് മുന്നേറ്റം. പുരുഷന്മാർ പ്രീ ക്വാർട്ടറിലും കടന്നിട്ടുണ്ട്.

ഇവർ ബുധനാഴ്ച ലീഗ് മത്സരത്തിൽ മൂന്നാം ക്വാർട്ടർ വരെ പഞ്ചാബിനോട് മുന്നിട്ടുനിന്ന ശേഷം 63 -72 എന്ന സ്കോറിന് പരാജയപ്പെട്ടു. വനിതകളിൽ തമിഴ്നാട്, മഹാരാഷ്ട്ര പഞ്ചാബ്, ഛത്തിസ്ഗഢ്, മധ്യപ്രദേശ് ടീമുകളും ക്വാർട്ടറിൽ കടന്നിട്ടുണ്ട്. പുരുഷന്മാരിൽ ഉത്തർപ്രദേശ്, മധ്യപ്രദേശ്, തമിഴ്നാട്, രാജസ്ഥാൻ ചണ്ഡിഗഢ് എന്നിവരും ക്വാർട്ടർ ഫൈനലിൽ പ്രവേശിച്ചു.