സൂ​പ്പ​ർ കപ്പ്: ഗോകുലത്തെ തകർത്ത് ഐ.​എ​സ്.​എ​ൽ ചാ​മ്പ്യ​ന്മാ​ർ

കോ​ഴി​ക്കോ​ട്: സ്വ​ന്തം മൈ​താ​ന​ത്ത് ഗോ​ള​ടി​യേ​റ്റ് ഗോ​കു​ലം വ​ല​ഞ്ഞു. മ​റു​വ​ശ​ത്ത് ഐ.​എ​സ്.​എ​ൽ ചാ​മ്പ്യ​ന്മാ​ർ എ​ന്ന പെ​രു​മ കാ​ത്ത് എ.​ടി.​കെ മോ​ഹ​ൻ​ബ​ഗാ​ൻ അ​ടി​യോ​ട​ടി. സൂ​പ്പ​ർ കപ്പി​ലെ സൂ​പ്പ​ർ പോ​രാ​ട്ട​ത്തി​ൽ എ.​ടി.​കെ മോ​ഹ​ൻ​ബ​ഗാ​ൻ 5-1ന് ​ഗോ​കു​ലം കേ​ര​ള എ​ഫ്.​സി​യെ ത​റ​പ​റ്റി​ച്ചു. 07, 27, 45, 63, 90+3 മി​നി​റ്റു​ക​ളി​ലാ​യി​രു​ന്നു എ.​ടി.​കെ​യു​ടെ ഗോ​ള​ർ​മാ​ദം. 71ാം മി​നി​റ്റി​ൽ ഗോ​കു​ലം ആ​ശ്വാ​സ ഗോ​ൾ നേ​ടി.

'അ​ടി'​കെ ബ​ഗാ​ൻ

മൂ​ന്നാം മി​നി​റ്റി​ൽ ആ​ദ്യ കോ​ർ​ണ​ർ നേ​ടി ആ​ധി​പ​ത്യ​മു​റ​പ്പി​ച്ച എ.​ടി.​കെ​ക്കു മു​ന്നി​ൽ ഗോ​കു​ല​ത്തി​​ന്റെ സ​ർ​വ​ത​ന്ത്ര​ങ്ങ​ളും പാ​ളു​ന്ന കാ​ഴ്ച​യാ​ണ് കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ ക​ണ്ട​ത്. ഏ​ഴാം മി​നി​റ്റി​ൽ ലി​സ്റ്റ​ൻ കൊ​ളാ​സോ​യു​ടെ ഗോ​ളി​ലൂ​ടെ എ.​ടി.​കെ ഗോ​ൾ​വേ​ട്ട​ക്ക് തു​ട​ക്കം കു​റി​ച്ചു. മി​ഡ്ഫീ​ൽ​ഡ​ർ ഹ്യൂ​ഗോ അ​ദ്നാ​ൻ ബൗ​മൗ​സ് കൊ​ടു​ത്ത ക്രോ​സ് ഗോ​കു​ലം പോ​സ്റ്റി​ന്റെ ഇ​ട​തു വി​ങ്ങി​ൽ​നി​ന്ന് ഏ​റ്റു​വാ​ങ്ങി​യ ലി​സ്റ്റി​ൻ കൊ​ളാ​സോ തൊ​ടു​ത്ത ലോ​ങ് റേ​ഞ്ച​ർ ഗോ​ൾ പോ​സ്റ്റി​ന്റെ വ​ല​തു​മൂ​ല​യി​ലേ​ക്ക് ആ​ഴ്ന്നി​റ​ങ്ങു​ന്ന സു​ന്ദ​ര​മാ​യ കാ​ഴ്ച​യാ​യി​രു​ന്നു ആ​ദ്യ ഗോ​ൾ. 27ാം മി​നി​റ്റി​ൽ ആ​ദ്യ ഗോ​ളി​ന്റെ റീ​പ്ലേ പോ​ലെ ലി​സ്റ്റ​ൻ വീ​ണ്ടും ഗോ​കു​ല​ത്തെ കു​ലു​ക്കി. ഗോ​കു​ലം ഹാ​ഫി​​ന്റെ വ​ല​തു​മൂ​ല​യി​ൽ​നി​ന്ന് ആ​ഷി​ഷ് റാ​യ് മൈ​താ​ന​ത്തി​നു കു​റു​കെ ഇ​ട​തു മൂ​ല​യി​ലേ​ക്ക് നീ​ട്ടി​ക്കൊ​ടു​ത്ത ലോ​ങ് പാ​സ് കാ​ലി​ൽ കൊ​രു​ത്ത ലി​സ്റ്റ​ൻ ഗോ​ൾ​പോ​സ്റ്റി​ന് 30 വാ​ര അ​ക​ലെ​നി​ന്നു തൊ​ടു​ത്ത ലോ​ങ് റേ​ഞ്ച​റാ​ണ് വ​ല തു​ള​ച്ച​ത്.

ഗോ​ളി ഷി​ബി​ൻ​രാ​ജി​നെ അ​ന​ങ്ങാ​ൻ പോ​ലും അ​നു​വ​ദി​ക്കാ​തെ​യാ​യി​രു​ന്നു ര​ണ്ടു ഗോ​ളു​ക​ളും വ​ല​യി​ൽ പ​തി​ച്ച​ത്. 45ാം മി​നി​റ്റി​ൽ ഫ്ര​ഞ്ച് താ​രം ഹ്യൂ​ഗോ ബൗ​മൗ​സ് ഗോ​ൾ പ​ട്ടി​ക മൂ​ന്നാ​ക്കി ഉ​യ​ർ​ത്തി. പ്ര​തി​രോ​ധി​ക്ക​ണ​മെ​ന്ന ഓ​ർ​മ​പോ​ലു​മി​ല്ലാ​തെ നി​ന്ന ഗോ​കു​ലം താ​ര​ങ്ങ​ൾ​ക്കി​ട​യി​ലൂ​ടെ കി​യാ​ൻ ന​സീ​രി മു​ന​കൂ​ർ​പ്പി​ച്ചു കൊ​ടു​ത്ത ​ക്രോ​സ് ഹ്യൂ​ഗോ ഒ​ട്ടും ആ​യാ​സ​മി​ല്ലാ​തെ വ​ല​യി​ലേ​ക്ക് ന​യി​ച്ചു. മ​റു​പ​ടി​യി​ല്ലാ​ത്ത മൂ​ന്നു ഗോ​ളു​ക​ൾ വ​ഴ​ങ്ങി ര​ണ്ടാം പ​കു​തി​ക്കി​റ​ങ്ങി​യ ഗോ​കു​ലം കു​റ​ച്ചു​കൂ​ടി ഒ​ത്തി​ണ​ക്കം കാ​ണി​ച്ചെ​ങ്കി​ലും എ.​ടി.​കെ അ​ധി​കം വി​യ​ർ​പ്പൊ​ഴു​ക്കാ​തെ എ​തി​രാ​ളി​ക​ളെ ഒ​തു​ക്കി​നി​ർ​ത്തി. 63ാം മി​നി​റ്റി​ൽ ഹ്യൂ​ഗോ ബൗ​മൗ​സ് കൊ​ടു​ത്ത ക്രോ​സ് നി​യ​ന്ത്രി​ച്ചു​നി​ർ​ത്തി​യ മ​ൻ​വീ​ർ സി​ങ് ഗോ​കു​ലം വ​ല​യി​ലേ​ക്ക് പാ​യി​ച്ച് ഗോ​ളെ​ണ്ണം നാ​ലാ​ക്കി.

ഒ​രേ​യൊ​രാ​ശ്വാ​സം

അ​തി​നി​ട​യി​ൽ ഗോ​കു​ലം ആ​ശ്വാ​സ ഗോ​ൾ കു​റി​ച്ചു. 71ാം മി​നി​റ്റി​ൽ സ്പാ​നി​ഷ് താ​രം ജൂ​ലി​യ​ൻ ഒ​മ​ർ റാ​മോ​സി​ന്റെ ക്രോ​സ് ഹെ​ഡ് ചെ​യ്ത ഗോ​കു​ലം ക്യാ​പ്റ്റ​ൻ ബൗ​ബ അ​മി​നൗ ഫോ​ർ​വേ​ഡ് സെ​ർ​ജി​യോ മെ​ൻ​ഡി​ഗു​ചി​യ ഇ​ഗ്ലേ​ഷ്യ​സി​ന് മ​റി​ച്ചു​കൊ​ടു​ത്തു. സെ​ർ​ജി​യോ പ​ന്ത് എ.​ടി.​കെ ഗോ​ളി അ​ർ​ഷ് അ​ൻ​വ​ർ ശൈ​ഖി​നെ ക​ബ​ളി​പ്പി​ച്ച് ഹെ​ഡ​റി​ലൂ​ടെ ത​ന്നെ വ​ല​യി​ലാ​ക്കി (4-1). ക​ളി​യൊ​ക്കെ ക​ഴി​ഞ്ഞെ​ന്നു ക​രു​തി പ്ര​തി​രോ​ധ​നി​ര​യും തു​റ​ന്നി​ട്ട് ക​ളി​ക്കാ​ർ ക​ളം​വി​ടാ​ൻ ഒ​രു​ങ്ങു​മ്പോ​ഴാ​ണ് ഇ​ഞ്ചു​റി ടൈ​മി​​ൽ കി​യാ​ൻ ന​സീ​രി​യു​ടെ വ​ക അ​ഞ്ചാം ഗോ​ൾ ഗോ​കു​ലം വ​ല​യി​ൽ അ​വി​ചാ​രി​ത​മാ​യി പാ​ഞ്ഞു ക​യ​റി​യ​ത്.

സ​ബ്സ്റ്റി​റ്റ്യൂ​ട്ട് അ​ട​ക്കം ഒ​മ്പ​തു മ​ല​യാ​ളി താ​ര​ങ്ങ​ളു​മാ​യാ​ണ് ഗോ​കു​ലം മൈ​താ​ന​ത്തി​റ​ങ്ങി​യ​ത്. ക​ളി​യു​ടെ ഒ​രു ഘ​ട്ട​ത്തി​ലും ഒ​ത്തി​ണ​ക്ക​മു​ള്ള ഒ​രു നീ​ക്ക​വും ഗോ​കു​ല​ത്തി​ൽ നി​ന്നു​ണ്ടാ​യി​ല്ല.

ഗോൾ പേമാരിയിൽ ചാമ്പ്യന്മാർക്ക് തോൽവി

കോ​ഴി​ക്കോ​ട്: ഗോ​ൾ​മ​ഴ പെ​യ്ത ആ​വേ​ശ​ക​ര​മാ​യ മ​ത്സ​ര​ത്തി​ൽ നി​ല​വി​ലെ ചാ​മ്പ്യ​ന്മാ​രാ​യ ഗോ​വ എ​ഫ്.​സി​ക്ക് തോ​ൽ​വി​യോ​ടെ തു​ട​ക്കം. ഗ്രൂ​പ്-​സി​യി​ൽ ജാം​ഷ​ഡ്പു​ർ എ​ഫ്.​സി 5-3ന് ​ചാ​മ്പ്യ​ന്മാ​രെ മ​ല​ർ​ത്തി​യ​ടി​ച്ചു. ജാം​ഷ​ഡ്പു​രി​നാ​യി റാ​ഫേ​ൽ ഷൂ​ള​ർ ക്രി​വ​ല്ലാ​റോ ഇ​ര​ട്ട ഗോ​ൾ നേ​ടി​യ​പ്പോ​ൾ പ്ര​തി​ക് ചൗ​ധ​രി, ഹാ​രി​സ​ൺ ഹി​ക്കി സാ​യ​ർ എ​ന്നി​വ​ർ ഓ​രോ ഗോ​ൾ നേ​ടി. ഗോ​വ​ക്കാ​യി നോ​വ വെ​യ്ൽ സ​ദൗ​യി ര​ണ്ടു​വ​ട്ടം സ്കോ​ർ ചെ​യ്തു. ഐ​ക്ക​ർ ഗ്വാ​രോ​ത്സേ​ന​യും വ​ല​കു​ലു​ക്കി. ഒ​ന്ന് സെ​ൽ​ഫ് ഗോ​ളു​മാ​യി.

ആ​ദ്യ ഗോ​ൾ​കു​റി​ച്ച​ത് ചാ​മ്പ്യ​ന്മാ​​രാ​യി​രു​ന്നു. ആ​റാം മി​നി​റ്റി​ൽ സ​ദൗ​യി​യാ​ണ് ഗോ​ൾ നേ​ടി​യ​ത്. 11ാം മി​നി​റ്റി​ൽ ജാം​ഷ​ഡ്പു​ർ ​പ്ര​തി​ക് ചൗ​ധ​രി​യി​ലൂ​ടെ സ​മ​നി​ല പി​ടി​ച്ചു. 27ാം മി​നി​റ്റി​ൽ ഫ്രീ​കി​ക്കി​ൽ​നി​ന്ന് റാ​ഫേ​ൽ ഷൂ​ള​ർ ക്രി​വ​ല്ലാ​റോ ജാം​ഷ​ഡ്പു​രി​നെ മു​ന്നി​ലെ​ത്തി​ച്ചു. ആ​ദ്യ​പ​കു​തി​യു​ടെ അ​വ​സാ​ന മി​നി​റ്റി​ൽ ജാം​ഷ​ഡ്പു​ർ താ​രം പ്ര​ണോ​യി​യു​ടെ ഷോ​ട്ട് ഗോ​വ ഡി​ഫ​ൻ​ഡ​ർ മു​ഹ​മ്മ​ദ് ഫാ​രി​സ് അ​ൽ അ​ർ​നൗ​തി​ന്റെ കാ​ലി​ൽ ത​ട്ടി സ്വ​ന്തം വ​ല​യി​ൽ പ​തി​ച്ചു. 59ാം മി​നി​റ്റി​ൽ ഋ​തി​ക് കു​മാ​ർ ദാ​സി​ന്റെ ക്രോ​സി​ൽ​നി​ന്ന് റാ​ഫേ​ൽ ഷൂ​ള​ർ ക്രി​വ​ല്ലാ​റോ ജാം​ഷ​ഡ്പു​രി​നാ​യി വീ​ണ്ടും ഗോ​ൾ നേ​ടി. ര​ണ്ടു മി​നി​റ്റി​നു​ശേ​ഷം ഗോ​വ​യു​ടെ ഐ​ക്ക​ർ ഗ്വാ​രോ​ത്സേ​ന ഗോ​ൾ മ​ട​ക്കി. 70ാം മി​നി​റ്റി​ൽ സ​ദൗ​യി ഹെ​ഡ​റി​ലൂ​ടെ ത​ന്റെ ര​ണ്ടാം ഗോ​ൾ നേ​ടി. 81ാം മി​നി​റ്റി​ൽ ഹി​ക്കി സാ​യ​ർ വ​ക ജാം​ഷ​ഡ്പു​രി​ന്റെ അ​ഞ്ചാം ഗോ​ൾ.