മാഡ്രിഡ്: ബാഴ്‌സലോണയുടെ അർജൈൻറൻ സൂപ്പർ താരം ലയണൽ മെസ്സി ഒരു വർഷംകൂടി ക്ലബ്ബിൽ തുടർന്നേക്കുമെന്ന് റിപ്പോർട്ട്. ഇൗ വർഷത്തെ സമ്മർ ട്രാൻസ്ഫർ ജാലകത്തിൽ ബാഴ്സ വിേട്ടക്കുമെന്ന് താരം തീരുമാനിച്ചത് ആരാധകർക്ക് വലിയ നിരാശയായിരുന്നു സമ്മാനിച്ചത്. എന്നാൽ, മെസിയുടെ പിതാവും ഏജൻറുമായ ഹോർഹെ മെസ്സിയുമായി ബാഴ്സ പ്രസിഡണ്ട് ജോസപ് മരിയ ബർതമ്യു നടത്തിയ ചർച്ചയിൽ ടീമിൽ തുടരുന്ന കാര്യത്തിൽ തീരുമാനമായതായി യൂറോപ്യൻ മാധ്യമങ്ങളാണ് റിപ്പോർട്ട് ചെയ്തത്.
ചർച്ചക്ക് ശേഷം മെസ്സി ബാഴ്സയിൽ ഒരു വർഷം കൂടി തുടരാൻ സാധ്യതയുണ്ടോ..? എന്ന് മാധ്യമപ്രവർത്തകർ ചോദിച്ചപ്പോൾ, 'അതെ' എന്ന മറുപടിയായിരുന്നു പിതാവ് നൽകിയത്. തുടക്കത്തിൽ ഒരു ഒത്തുതീർപ്പിനും വഴങ്ങാതിരുന്ന മെസ്സി വമ്പൻ തുക ബാഴ്സക്ക് റിലീസ് ക്ലോസായി നൽകാനുള്ളത് മൂലമാണ് നീക്കത്തിൽ നിന്ന് പിന്മാറിയതെന്നാണ് സൂചന. എന്നാൽ, ഇക്കാര്യത്തിൽ കൂടുതൽ വ്യക്തത വന്നിട്ടില്ല.
മെസി ഇംഗ്ലീഷ് പ്രീമിയർ ലീഗ് ക്ലബ്ബ് മാഞ്ചസ്റ്റർ സിറ്റിയിലേക്ക് കൂടുമാറിയേക്കുമെന്ന റിപ്പോർട്ടുകൾക്കിടെയാണ് ബാഴ്സ പ്രസിഡൻറും അർജൻറീനാ താരത്തിെൻറ പിതാവും തമ്മിൽ കൂടിക്കാഴ്ച നടത്തിയത്. ബർതമ്യുവും ഹെർഹെയും തമ്മിലുള്ള കൂടിക്കാഴ്ചയിൽ സൂപ്പർ താരം ഒരു സീസൺ കൂടി തുടരാനുള്ള സാധ്യത ശക്തമായതായും ബാഴ്‌സയിലെ കരാർ പുതുക്കാതെ 2020-21 സീസണിനൊടുവിൽ മെസി ക്ലബ്ബ് വിടുമെന്നും റിപ്പോർട്ടുകൾ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.