ബർലിൻ: ജർമൻ ബുണ്ടസ് ലീഗയിൽ കരുത്തരായ ബയേൺ മ്യൂണിക്കിനും ബൊറൂസിയ ഡോർട്ട്മുണ്ടിനും ജയം. ബയേൺ 4-1ന് ലീപ്സിഷിനെ തകർത്തപ്പോൾ മൂന്നുവട്ടം പിറകിലായശേഷം തിരിച്ചടിച്ച ഡോർട്ട്മുണ്ട് ബയർ ലെവർകൂസനെയാണ് 4-3ന് പരാജയപ്പെടുത്തിയത്.
റോബർട്ട് ലെവൻഡോവ്സ്കി, ജമാൽ മൂസിയാല, ലിറോയ് സാനെ, എറിക് മാക്സിം ചുപ്പോ മോട്ടിങ് എന്നിവരാണ് ബയേണിെൻറ ഗോളുകൾ നേടിയത്. ലീപ്സിഷ് വിട്ട് സീസണിെൻറ തുടക്കത്തിൽ ബയേണിലെത്തിയ കോച്ച് ജൂലിയൻ നേഗിൾസ്മാന് വിജയം മധുരതരമായി.
ബയർ ലെവർകൂസനെതിരെ സ്ട്രൈക്കർ എർലിങ് ഹാലൻഡിെൻറ ഇരട്ട ഗോളുകളും ജൂലിയൻ ബ്രാൻഡ്റ്റ്, റാഫേൽ ഗ്വറേറോ എന്നിവരുടെ ഗോളുകളുമാണ് ഡോർട്ട്മുണ്ടിന് ജയമൊരുക്കിയത്. ഫ്ലോറിയൻ വിർട്സ്, പാട്രിക് ഷിക്, മൂസ ദിയാബി എന്നിവരാണ് ലെവർകൂസെൻറ ഗോളുകൾ നേടിയത്.
വോൾഫ്സ്ബർഗ് 2-0ത്തിന് ഗ്രൂതർ ഫോർതിനെയും മെയിൻസ് അതേ സ്കോറിന് ഹോഫൻഹെയ്മിനെയും തോൽപിച്ചപ്പോൾ കൊളോൺ-ഫ്രൈബർഗ് മത്സരം 1-1നും യൂനിയൻ ബർലിൻ-ഓഗ്സ്ബർഗ് കളി ഗോൾരഹിതമായും തീർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.