ഹൈദരാബാദ്: ഇന്ത്യൻ ക്രിക്കറ്റ് താരം വിജയ് ശങ്കർ വിവാഹിതനായി. കോവിഡ് 19 മാനദണ്ഡങ്ങൾ അനുസരിച്ചു നടന്ന ലളിതമായ ചടങ്ങിലാണ് പ്രതിശ്രുത വധു ൈവശാലി വിശേശ്വരന്‍റെ കഴുത്തിൽ വിജയ് മിന്നുചാർത്തിയത്. തങ്ങളുടെ വിശ്വസ്തനായ ഓൾറൗണ്ടർക്ക് ഐ.പി.എൽ ടീമായ സൺറൈസേഴ്സ് ഹൈദരാബാദ് ഇൻസ്റ്റാഗ്രാം പോസ്റ്റിൽ മംഗളാശംസകൾ നേർന്നു.
'ഈ സവിശേഷ ദിവസത്തിൽ വിജയ് ശങ്കറിന് ഞങ്ങളുടെ എല്ലാ ആശംസകളും..! ദാമ്പത്യജീവിതം സന്തോഷദായകവും അനുഗൃഹീതവുമാകട്ടെ..' ഇൻസ്റ്റാഗ്രാമിൽ വിവാഹ ചിത്രത്തിനൊപ്പമായിരുന്നു സൺറൈസേഴ്സിന്‍റെ ആശംസ.
കഴിഞ്ഞ വർഷം ആഗസ്റ്റ് 20നാണ് ഇൻസ്റ്റാഗ്രാമിലൂടെ തന്‍റെ വിവാഹവാർത്ത വിജയ് ശങ്കർ അറിയിച്ചത്. ശ്രീലങ്കക്കെതിരെ കൊളംബോയിൽ 2018ൽ നടന്ന ട്വന്റി20 മത്സരത്തിലൂടെയാണ് വിജയ് ശങ്കർ ഇന്ത്യക്കുവേണ്ടി അരേങ്ങറിയത്. ഒരു വർഷത്തിനുശേഷം മെൽബണിൽ ആസ്ട്രേലിയക്കെതിരെ ഏകദിനത്തിലും അരങ്ങേറ്റ മത്സരത്തിനിറങ്ങി. 2019ൽ ഇംഗ്ലണ്ട് വേദിയായ ഏകദിന ലോകകപ്പിൽ ഇന്ത്യൻ ടീമിൽ അംഗമായിരുന്നു. ഈയിടെ ചരിത്രവിജയം നേടിയ ആസ്ട്രേലിയൻ പര്യടനത്തിൽ 30കാരനായ വിജയ് ശങ്കർ ദേശീയ ടീമിനൊപ്പം ഉണ്ടായിരുന്നില്ല.
അടുത്ത വർഷത്തെ ഐ.പി.എല്ലിനായി സൺറൈസേഴ്സ് ടീമിൽ നിലനിർത്തിയ കളിക്കാരിൽ ഒരാളാണ് വിജയ് ശങ്കർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.