നാഗ്ജി കപ്പ് യുക്രെയ്നിലേക്ക് കടന്നതല്ല കാര്യം. നാളെയുടെ താരങ്ങളുടെ ചിലമിന്നലാട്ടങ്ങള്‍ കോഴിക്കോട് കോര്‍പറേഷന്‍ ഗ്രൗണ്ടില്‍ കണ്ടുവെന്നതാണ് ഈ ടൂര്‍ണമെന്‍റിന്‍െറ ശേഷിപ്പുകള്‍. അവരില്‍ ചിലര്‍ വരും വര്‍ഷങ്ങളില്‍ ഇന്ത്യന്‍ സൂപ്പര്‍ ലീഗ് ടീമുകളില്‍ കണ്ടാലും അദ്ഭുതപ്പെടേണ്ട.വ്ളാഡിസ്ളാവ് കൊഷര്‍ജിന്‍ (നിപ്രൊ എഫ്.സി): യുക്രെയ്നിലെ ട്രാന്‍സ്ഫര്‍ മാര്‍ക്കറ്റില്‍ വിലപിടിപ്പുള്ള താരങ്ങളിലൊരാളാണ് ഈ 19കാരന്‍. അണ്ടര്‍ 19 ദേശീയ ടീം അംഗം. നാഗ്ജിയില്‍ രണ്ടു ഗോളുകള്‍ നേടിയ താരത്തിന്‍െറ മിടുക്കായിരുന്നു നിപ്രൊയുടെ കിരീടനേട്ടം.ഒലക്സാണ്ടര്‍ സ്വറ്റോക് (നിപ്രൊ എഫ്.സി): സീനിയര്‍ ടീമംഗംകൂടിയാണ് ഈ 21കാരന്‍. വരും വര്‍ഷങ്ങളിലെ ദേശീയ ടീമിലും പ്രതിരോധനിരയിലെ ഉരുക്കുകോട്ടയാവും.
ജൊവൊ പെഡ്രോ (അത്ലറ്റികോ പരാനെന്‍സ്): ബ്രസീലിയന്‍ ടീമിലെ പത്താം നമ്പറുകാരന്‍. പ്ളേമേക്കറുടെ റോളിലായിരുന്നു പെഡ്രോയുടെ സാന്നിധ്യം.
യാഗോ സെസര്‍ ഡിസില്‍വ: നാഗ്ജിയില്‍ രണ്ടു ഗോളുകള്‍. വിങ്ങിലൂടെയുള്ള മുന്നേറ്റങ്ങളില്‍ മിടുക്കന്‍. ഫൈനലില്‍ 16ാം നമ്പറുകാരായ യാഗോയെ പൂട്ടിയ നിപ്രൊയുടെ പ്ളാനായിരുന്നു ബ്രസീലിനെ തകര്‍ത്തത്.അലക്സ് യാകുബിയാക് (വാറ്റ്ഫോഡ് എഫ്.സി): ഇംഗ്ളീഷ് പ്രീമിയര്‍ ലീഗ് ടീമിന്‍െറ പുതിയ താരമാണ് ഈ സ്കോട്ട്ലന്‍ഡുകാരന്‍. ഇംഗ്ളീഷ് ലീഗില്‍ വരുംവര്‍ഷങ്ങളിലെ താരം.
കയോ ഫെര്‍ണാണ്ടോ (പരാനെന്‍സ്): ടൂര്‍ണമെന്‍റിന്‍െറ മികച്ചതാരമായിരുന്നു 20കാരന്‍. മധ്യനിരയിലെ നിര്‍ണായക സാന്നിധ്യം.നിപ്രൊയുടെ യൂറി വകുല്‍കോ, വാറ്റ്ഫോഡിന്‍െറ ഷോണ്‍ മുറെ, അര്‍ജന്‍റീനയുടെ മൗറോ മോര്‍ട്ടിസ്, വോളിന്‍ ലുറ്റ്സ്കിന്‍െറ റെദ്വാന്‍ മെമഷേവ്, മ്യൂണിക് 1860യുടെ ഫാബിയന്‍ ഹ്യൂസ്ലെര്‍, മൈകല്‍ കൊകോസിന്‍സ്കി തുടങ്ങിയവരും കോഴിക്കോട് കണ്ട മികച്ച താരങ്ങളാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.