വോളി പരിശീലനത്തില്‍ ബഷീര്‍ പട്ടാര
വടകര: കോവിഡ് പ്രതിസന്ധിക്കിടയിലും വോളിബാളിനെ നെഞ്ചോടു ചേര്‍ത്ത് സംസ്ഥാന വോളിബാൾ അസോസിയേഷന് അംഗം ബഷീര്‍ പട്ടാര.
കളിക്കളങ്ങൾ വീണ്ടെടുക്കാനും കളിക്കാന്‍ മനസ്സുള്ള പുതിയ തലമുറയുണ്ടെങ്കില്‍ ഒപ്പം നില്‍ക്കാനുമുണ്ടെന്നാണ് ബഷീര്‍ പട്ടാര പറയുന്നത്. കോവിഡ് കാലത്ത് ആരോഗ്യമാണ് സമ്പത്ത് എന്ന നിലയില്‍ കായികരംഗത്ത് പ്രാധാന്യം നല്‍കണമെന്നാണ് അദ്ദേഹത്തിെൻറ അഭിപ്രായം.
അതുകൊണ്ട് നിരവധി കായികക്ഷമത ക്യാമ്പുകള്‍ നടത്തിക്കഴിഞ്ഞു. പുറങ്കരയില്‍ നിരവധി ചെറുപ്പക്കാരെ വോളിബാൾ ആവേശത്തിലേക്ക് നയിച്ചശേഷം വടകര റെയില്‍വേ സ്റ്റേഷന്‍ പരിസരത്തെ കാടുമൂടിയ സ്ഥലത്ത് ഏറെക്കാലത്തെ ഇടവേളക്കുശേഷം വോളിബാൾ ആവേശത്തിന് തിരികൊളുത്തിയിരിക്കുകയാണ് പട്ടാരയും സുഹൃത്തുക്കളും.
വടകര റെയിൽവേ പൊലീസ് ഇന്‍സ്പെക്ടറായ സുനില്‍ കുമാറിെൻറ ഇടപെടലിനെ തുടര്‍ന്നാണ് വോളിബാള് താരങ്ങളുടെയും സംഘാടകരുടെ നേതൃത്വത്തില്‍ വോളിബാള് മൈതാനം ഒരുങ്ങിയത്. പഴയകാലത്ത് വടകര മേഖലയിലെ കളിക്കാരുടെ പ്രധാന ഇടമായിരുന്നു റെയില്‍വേ ഗ്രൗണ്ട്.
പിന്നീട് റെയില്‍വേ മതില്‍കെട്ടി തിരിച്ച ശേഷം ഇവിടം കാടുമൂടി. ഈ സ്ഥലമാണിപ്പോള് കളിക്കളമായി വീണ്ടെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.