ബംഗളൂരു: ബംഗളൂരു ആസ്ഥാനമായുള്ള സമി-സബിന്‍സ ഗ്രൂപ് ലിമിറ്റഡ് സ്ഥാപകനും ചെയര്‍മാനുമായ കൊല്ലം വലിയ കടക്കാരൻ വീട്ടിൽ ഡോ. മുഹമ്മദ് മജീദ് (75) നിര്യാതനായി. ബുധനാഴ്ച ഉച്ചകഴിഞ്ഞ് ചെന്നൈയിലായിരുന്നു അന്ത്യം.
ആയുര്‍വേദത്തെ ആധുനിക വൈദ്യശാസ്ത്രവുമായി സംയോജിപ്പിച്ച് ശ്രദ്ധനേടിയ ഡോ. മജീദ് ഇന്ത്യന്‍ ന്യൂട്രാസ്യൂട്ടിക്കല്‍ വ്യവസായത്തിന്റെ പിതാവ് എന്നാണ് അറിയപ്പെടുന്നത്. ന്യൂട്രാസ്യൂട്ടിക്കല്‍, കോസ്‌മെസ്യൂട്ടിക്കല്‍ മേഖലയിൽ നിരവധി പേറ്റന്റുകളും അന്താരാഷ്ട്രതലത്തിൽ നൂറിലധികം അംഗീകാരങ്ങളും നേടിയിട്ടുണ്ട്.
1948 സെപ്റ്റംബര്‍ 25നായിരുന്നു ജനനം. തിരുവനന്തപുരം മെഡിക്കല്‍ കോളജില്‍നിന്ന് ഫാര്‍മസിയില്‍ ബിരുദം നേടിയശേഷം 1975ല്‍ യു.എസിലെത്തി. ഇന്‍ഡസ്ട്രിയല്‍ ഫാര്‍മസിയില്‍ ന്യൂയോര്‍ക്കിലെ ലോങ് ഐലന്‍ഡ് സര്‍വകലാശാലയില്‍നിന്ന് എം.എസും സെന്റ് ജോണ്‍സ് സര്‍വകലാശാലയില്‍നിന്ന് പിഎച്ച്.ഡിയും നേടി. മക്കൾ: സമി, ഷഹീൻ മജീദ്, അഞ്ജു മജീദ്. ഖബറടക്കം പിന്നീട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.