കണ്ണൂർ: സി.പി.എം നേതാവായിരുന്ന അഴീക്കോടൻ രാഘവെൻറ ഭാര്യ പള്ളിക്കുന്ന് അഴീക്കോടൻ നിവാസിൽ കെ. മീനാക്ഷി ടീച്ചർ (87) നിര്യാതയായി. കണ്ണൂർ എ.കെ.ജി ആശുപത്രിയിലായിരുന്നു അന്ത്യം. ചാലാട്ടെ മത്തിക്കുട്ടിയുടെയും മാതയുടെയും മകളാണ്. 1956ൽ ആയിരുന്നു അഴീക്കോടൻ രാഘവനുമായുള്ള വിവാഹം. 1972 സെപ്റ്റംബർ 23നാണ് ഇടതുമുന്നണി കൺവീനറും സി.പി.എം സംസ്ഥാന സെക്രേട്ടറിയറ്റ് അംഗവുമായ അഴീക്കോടൻ രാഘവൻ തൃശൂരിൽ കൊല്ലപ്പെടുന്നത്.16 വർഷം മാത്രമായിരുന്നു ഇവരുടെ ദാമ്പത്യ ജീവിതം. 34 വർഷം പള്ളിക്കുന്ന് ഹൈസ്കൂൾ അധ്യാപികയായിരുന്നു. പ്രഥമാധ്യാപികയായാണ് വിരമിച്ചത്. എൻ.സി. ശേഖർ പുരസ്കാരം, ദേവയാനി സ്മാരക പുരസ്കാരം, വിനോദിനി നാലപ്പാടം പുരസ്കാരം എന്നിവ നേടിയിട്ടുണ്ട്. മക്കൾ: ശോഭ, സുധ, മധു, ജ്യോതി, സാനു. മരുമക്കൾ: കെ.കെ. ബീന, ആലീസ്, എം. രഞ്ജിനി, പരേതനായ കെ.ഇ. ഗംഗാധരൻ. സഹോദരങ്ങൾ: രവീന്ദ്രൻ, പരേതയായ സാവിത്രി. സംസ്കാരം വെള്ളിയാഴ്ച ഉച്ചക്ക് 12 നു പയ്യാമ്പലത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.