സുല്ത്താന് ബത്തേരി: ഡെങ്കിപ്പനി ബാധിച്ച് വിദ്യാർഥി മരിച്ചു. സുല്ത്താന് ബത്തേരി ഒന്നാംമൈല് സ്വദേശി വടക്കേതില് അബൂബക്കറിന്റെ മകന് മുഹമ്മദ് അഹനസ് (12) ആണ് മരിച്ചത്. ബുധനാഴ്ച രാവിലെ ഗുരുതരാവസ്ഥയില് മേപ്പാടിയിലെ സ്വകാര്യ മെഡിക്കല് കോളജ് ആശുപത്രിയിൽ പ്രവേശിപ്പിച്ച വിദ്യാർഥി പത്തരയോടെ മരിക്കുകയായിരുന്നു. പനിയെത്തുടർന്ന് തിങ്കളാഴ്ച സുൽത്താൻ ബത്തേരി താലൂക്ക് ആശുപത്രിയിലെത്തി മരുന്ന് വാങ്ങി വീട്ടിലേക്ക് മടങ്ങിയിരുന്നു. ചൊവ്വാഴ്ച പനി കൂടിയതോടെ വീണ്ടും താലൂക്ക് ആശുപത്രിയിലും പിന്നീട് മേപ്പാടിയിലേക്കും കൊണ്ടുപോവുകയായിരുന്നു. സുൽത്താൻ ബത്തേരി അസംപ്ഷന് സ്കൂൾ ഏഴാം ക്ലാസ് വിദ്യാർഥിയാണ്. മാതാവ്: ശാദിയ. സഹോദരന്: അമീന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.