മലപ്പുറത്ത് ടിപ്പർ ലോറി ഇടിച്ച് രണ്ടുവയസുകാരൻ മരിച്ചു

മലപ്പുറം: മമ്പാട് വീടിന് സമീപത്ത് വെച്ച് ടിപ്പർ ഇടിച്ച് രണ്ടുവയസുകാരൻ മരിച്ചു. മുഹമ്മദ് സിനാൻ - റിസ് വാന ദമ്പതികളുടെ മകൻ ഐദിൻ ആണ് മരിച്ചത്.

റോഡിലേക്കിറങ്ങിയ കുഞ്ഞ് പിറകോട്ടെടുത്ത ടിപ്പറിന് അടിയിൽ പെടുകയായിരുന്നു. ഉടൻ നിലമ്പൂർ ജില്ല ആശുപത്രിയിലെത്തിച്ചെങ്കിലും മരിച്ചു.

സമീപത്തെ റോഡ് പണിക്കായി മെറ്റൽ കൊണ്ടുവന്ന ലോറിയായിരുന്നു. കുഞ്ഞ് വീട്ടിൽനിന്ന് ഇറങ്ങിയത് ആരുടെയും ശ്രദ്ധയിൽപെട്ടിരുന്നില്ല.