ദോഹ: ദീർഘകാല ഖത്തർ പ്രവാസിയും സിവിയം ഗ്രൂപ്പ് മാനേജിങ് ഡയറക്ടറുമായ സി.വി. മുഹമ്മദലി (70) ദോഹയിൽ നിര്യാതനായി. മലപ്പുറം ജില്ലയിലെ ചങ്ങരംകുളം മൂക്കുതല സ്വദേശിയാണ്. മലപ്പുറം ജില്ലാ പ്രവാസി അസോസിയേഷൻ (മെജസ്റ്റിക് മലപ്പുറം) ഉപദേശക സമിതി അംഗമായ അദ്ദേഹം പ്രവാസ ലോകത്തെ സജീവ സാന്നിധ്യമാണ്. വർഷങ്ങളോളം ഖത്തർ നാഷണൽ ബാങ്കിൽ (ക്യു.എൻ.ബി) സേവനമനുഷ്ഠിച്ച അദ്ദേഹം, ഔദ്യോഗിക ജീവിതത്തിൽനിന്ന് വിരമിച്ച ശേഷം ബിസിനസ് മേഖലയിലേക്ക് പ്രവേശിക്കുകയായിരുന്നു.
ഇന്ത്യൻ സ്പോർട്സ് സെന്റർ മുൻ ജനറൽ സെക്രട്ടറിയും മജസ്റ്റിക് മലപ്പുറം പ്രസിഡന്റുമായ നിഹാദ് അലി മകനാണ്. മറ്റു മക്കൾ: നബീൽ, ജസീന, നജ് ല. മൃതദേഹം ദോഹയിലെ അൽ മീസൈമിർ മസ്ജിദ് ഖബർസ്ഥാനിൽ വ്യാഴാഴ്ച ഇഷാ നമസ്കാരത്തിന് ശേഷം ഖബറടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.