താമരശ്ശേരി: താമരശ്ശേരിയില് സ്കൂട്ടര് അപകടത്തില് കൊയിലാണ്ടി സ്വദേശിയായ യുവാവ് മരിച്ചു. കൊയിലാണ്ടി അരിക്കുളം ചേത്തില് മീത്തല് രത്നാകരന്റെ മകന് റിനീഷ് (33) ആണ് മരിച്ചത്. തിങ്കളാഴ്ച രാത്രി പതിനൊന്നരയോടെ താമരശ്ശേരി ചുങ്കം മിനി ബൈപാസില് സ്വകാര്യ ആശുപത്രിക്ക് മുന്വശത്തായിരുന്നു അപകടം. കൊയിലാണ്ടിയിൽനിന്ന് താമരശ്ശേരിയിലെ ഭാര്യവീട്ടിലേക്ക് വരുമ്പോൾ സ്കൂട്ടർ നിയന്ത്രണംവിട്ട് മറിയുകയായിരുന്നു. ഉടന് നാട്ടുകാര് ചേർന്ന് റിനീഷിനെ താമരശ്ശേരി താലൂക്ക് ആശുപത്രിയില് എത്തിച്ചെങ്കിലും മരിച്ചിരുന്നു. മാതാവ്: ഓമന. ഭാര്യ: ആതിര. മകൻ: ഹരിഗോവിന്ദ്. സഹോദരൻ: വിഷ്ണുപ്രസാദ് (സൗദി).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.