ഉള്ള്യേരി: ബസ് സ്റ്റാൻഡിൽ ബസിനടിയിൽപെട്ടു വയോധികൻ മരിച്ചു. നടുവണ്ണൂർ കാവുന്തറ പള്ളിയത്ത്കുനി കുന്നുമ്മൽ മഹമൂദ് (60) ആണ് മരിച്ചത്. ആശുപത്രിയിൽ ചികിത്സയിലുള്ള ബന്ധുവിനെ സന്ദർശിച്ച് മടങ്ങും വഴിയാണ് അപകടം. വ്യാഴാഴ്ച ഉച്ചക്ക് ഒരുമണിയോടെ ഉള്ള്യേരി ഗ്രാമപഞ്ചായത്ത് ബസ് സ്റ്റാൻഡിൽ കുറ്റ്യാടി- കോഴിക്കോട് റൂട്ടിൽ സർവിസ് നടത്തുന്ന കെ.എസ്.ആർ.ടി.സി ബസാണ് അപകടം വരുത്തിയത്. സ്റ്റാൻഡിലേക്കു ബസ് പ്രവേശിക്കുമ്പോൾ മുൻഭാഗം തട്ടി നിലത്ത് വീണ മഹമൂദിന്റെ ദേഹത്ത് പിൻചക്രം കയറി. ബസ് പിന്നോട്ടെടുത്താണ് ഇദ്ദേഹത്തെ പുറത്തെടുത്തത്. സമീപത്തെ ടാക്സി ഡ്രൈവർമാർ തൊട്ടടുത്ത മൊടക്കല്ലൂർ മലബാർ മെഡിക്കൽ കോളജിൽ എത്തിച്ചെങ്കിലും മരിച്ചു. മൃതദേഹം കോഴിക്കോട് മെഡിക്കൽ കോളജ് മോർച്ചറിയിൽ. ഭാര്യ: സഫിയ. മക്കൾ: മുഹമ്മദ് റാഫി, റൂബി. മരുമകൻ: മുഫീദ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.