മാനന്തവാടി: ഓട്ടോറിക്ഷയും സ്കൂട്ടറും കൂട്ടിയിടിച്ച് യുവാവ് മരിച്ചു. പനമരം കാപ്പുഞ്ചാൽ സ്വദേശി, നിലവിൽ കണിയാമ്പറ്റയിൽ താമസിക്കുന്ന കിണ്ടിമൂല നാരായണെൻറ മകൻ മനോജ് (36) ആണ് മരിച്ചത്. ഞായറാഴ്ച വൈകീട്ട് നാലോടെ കുറുവ റോഡിൽ താഴെ കുറുക്കന്മൂലക്ക് സമീപമായിരുന്നു അപകടം.സഹയാത്രികനായ അഞ്ചുകുന്ന് ചക്കൻ കുഴിയിൽ പ്രദീഷി (30) നെ ഗുരുതര പരിക്കോടെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. ഓട്ടോ ഡ്രൈവർ പയ്യമ്പള്ളി കണനംപൊതിയിൽ യോഹന്നാൻ (53), പടമല മുള്ളൻതറ കോളനിയിലെ പ്രവീണ (17), ബിന്ദു ബാലൻ (39), പയ്യമ്പള്ളി ഊത്തുകുഴിയിൽ വർഗീസ് (60) എന്നിവർ പരിക്കുകളോടെ വയനാട് മെഡിക്കൽ കോളജിൽ ചികിത്സ തേടി. മരിച്ച മനോജ് കെട്ടിട നിർമാണ തൊഴിലാളിയാണ്. ഭാര്യ: അശ്വതി. മക്കൾ: മിന്നു, മുന്ന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.