യു.പിയില്‍ സ്കൂള്‍ബസില്‍ ട്രെയിനിടിച്ച് മൂന്ന് കുട്ടികള്‍ മരിച്ചു

ലഖ്നൗ: ഉത്ത൪പ്രദേശിൽ സ്കൂൾബസിൽ ട്രെയിനിടിച്ച് മൂന്ന് കുട്ടികൾ മരിച്ചു. നിരവധി പേ൪ക്ക് പരിക്കേറ്റു. പരിക്കേറ്റ കുട്ടികളുടെ നില ഗുരുതരമാണ്.

യു.പിയിലെ മാവു ജില്ലയിൽ ഇന്ന് രാവിലെയാണ് അപകടമുണ്ടായത്. ആളില്ലാ ലെവൽക്രോസിൽ ട്രെയിൻ വരുന്നത് ശ്രദ്ധിക്കാതെ ഡ്രൈവ൪ സ്കൂൾബസ് മുന്നോട്ടെടുത്തതാണ് അപകട കാരണം. 20 ഓളം പ്രൈമറി സ്കൂൾ വിദ്യാ൪ത്ഥികൾ ബസിലുണ്ടായിരുന്നു. വാരണാസിയിലേക്ക് പോകുന്ന താംസ എക്സ്പ്രസാണ് സ്കൂൾബസ് ഇടിച്ചിട്ടത്. അപകടത്തിൽ അഞ്ചു കുട്ടികൾ മരിച്ചതായും റിപ്പോ൪ട്ടുകളുണ്ട്.