മഞ്ചേശ്വരം: മഞ്ചേശ്വരം ഗോവിന്ദപൈ ഗവ. കോളജില് വിദ്യാര്ഥി സംഘട്ടനത്തില് രണ്ട് എസ്.എഫ്.ഐ പ്രവര്ത്തകര്ക്ക് പരിക്ക്.എസ്.എഫ്.ഐ യൂനിറ്റ് പ്രസിഡന്റും ട്രാവല് ആന്ഡ് ടൂറിസം അവസാന വര്ഷ വിദ്യാര്ഥിയുമായ പ്രേംജിത്ത് ഗോവര്ധന് (20) പ്രവര്ത്തകനായ രണ്ടാം വര്ഷ വിദ്യാര്ഥി രാഗേഷ് (19) എന്നിവര്ക്കാണ് പരിക്കേറ്റത്. ഗുരുതര പരിക്കേറ്റ പ്രേംജിത്തിനെ കാഞ്ഞങ്ങാട് ജില്ലാ ആശുപത്രിയിലും രാഗേഷിനെ കുമ്പള സഹകരണാശുപത്രിയിലും പ്രവേശിപ്പിച്ചു. മുംബൈ ഭീകരാക്രമണവുമായി ബന്ധപ്പെട്ട് എ.ബി.വി.പി കാമ്പസില് നടത്തിയ പരിപാടി എസ്.എഫ്.ഐയുടെ പരാതിയെ തുടര്ന്ന് പ്രിന്സിപ്പല് തടഞ്ഞിരുന്നു. ഇതിനെതിരെ എ.ബി.വി.പി പ്രവര്ത്തകര് ഫേസ്ബുക്കില് പോസ്റ്റിട്ടതുമായി ബന്ധപ്പെട്ട് നടന്ന പ്രശ്നമാണ് സംഘട്ടനത്തില് കലാശിച്ചത്. കോളജില് എസ്.എഫ്.ഐ-എ.ബി.വി.പി സംഘര്ഷം നിലനില്ക്കുകയാണ്. കോളജിന് പൊലീസ് കാവല് ഏര്പ്പെടുത്തിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.