മാഹി: പന്തക്കലില്‍ മൂന്ന് വീടുകള്‍ക്കുനേരെ അക്രമം. ഞായറാഴ്ച പുലര്‍ച്ചെ മൂന്നിനും നാലിനുമിടയില്‍ അക്രമം നടന്ന വീടിനു സമീപത്തെ ട്രാന്‍സ്ഫോമര്‍ ഫ്യൂസ് ഊരിയാണ് അക്രമികളുടെ വിളയാട്ടം. മൂലക്കടവിലെ പാലയാട്ടില്‍ അബ്ദുല്‍ ഖാദര്‍, ചാത്തോത്ത് മഹമൂദ്, പുത്തന്‍പുരയില്‍ മുഹമ്മദ് എന്നിവരുടെ വീടിനുനേരെയാണ് അക്രമം നടന്നത്. ഖാദറിന്‍െറ വീട്ടില്‍ രണ്ടാം തവണയാണ് അക്രമം. ഇദ്ദേഹത്തിന്‍െറ വീട്ടുമുറ്റത്തുള്ള പൂച്ചട്ടികള്‍ എറിഞ്ഞു തകര്‍ത്തു. വളര്‍ത്തുമുയലുകളെ മോഷ്ടിക്കാനുള്ള ശ്രമവും നടന്നതായി വീട്ടുകാര്‍ പറഞ്ഞു. ചാത്തോത്ത് മഹമൂദ്, മുഹമ്മദ് എന്നിവരുടെ വീട്ടിന്‍െറ മുന്‍ഭാഗത്തെ ജനല്‍ ചില്ലുകള്‍ എറിഞ്ഞു തകര്‍ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.