തലശ്ശേരി: പ്രായപൂര്ത്തിയാവാത്ത ആദിവാസി പെണ്കുട്ടിയെ വിവാഹ വാഗ്ദാനം നല്കി പീഡിപ്പിച്ച് ഗര്ഭിണിയാക്കിയ കേസില് ഒരാള് അറസ്റ്റില്. കോടിയേരി കോപ്പാലത്തെ വാക്കണ്ടി മലപ്പിലായി വീട്ടില് സിജീഷിനെയാണ് (32) തലശ്ശേരി എ.എസ്.പി ടി. നാരായണന്, എ.എസ്.പിയുടെ സ്ക്വാഡ് അംഗങ്ങളായ ലീലാധരന്, സുനില്കുമാര് എന്നിവര് അറസ്റ്റ് ചെയ്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു. മാനന്തവാടി തലപ്പുഴ സ്വദേശിനിയായ പെണ്കുട്ടി തലശ്ശേരി മഞ്ഞോടിയില് പ്രായമായ സ്ത്രീക്കൊപ്പം വീട്ടുജോലിക്ക് നില്ക്കവേയാണ് സംഭവം. വയനാട് പേരിയ സ്വദേശി ശരത്താണെന്ന് തെറ്റിദ്ധരിപ്പിച്ചാണ് സിജീഷ് വിവാഹ വാഗ്ദാനം നല്കി പീഡിപ്പിച്ചത്. ഗര്ഭിണിയായ പെണ്കുട്ടി തലപ്പുഴ പൊലീസിന് നല്കിയ പരാതി തലശ്ശേരി പൊലീസിന് കൈമാറുകയായിരുന്നു. തുടര്ന്ന് നടത്തിയ അന്വേഷണത്തിലാണ് സിജീഷ് പിടിയിലായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.