കോന്നി: ജില്ലാ ശുചിത്വമിഷന്െറ നേതൃത്വത്തിലെ യാത്രക്ക് കോന്നിയില് സ്വീകരണം നല്കി. കോന്നി ഗ്രാമപഞ്ചായത്ത് ഓഫിസ് പടിക്കല്നിന്ന് സ്വീകരണ ഘോഷയാത്ര ടൗണ് ചുറ്റി ഐ.ആര്.ഡി. മേള നടക്കുന്ന കെ.എസ്.ആര്.ടി.സി ഗ്രൗണ്ടില് സമാപിച്ചു. പതിവ് മഹാബലി വേഷങ്ങളില്നിന്ന് വ്യത്യസ്തമായിരുന്നു ജില്ലാ ശുചിത്വമിഷന് അണിയിച്ചൊരുക്കിയ മഹാബലി. എല്ലാവരും മഹാബലിയെ കുടവയറനും കൊമ്പന് മീശക്കാരനുമായി ചിത്രീകരിക്കുമ്പോള് ശുചിത്വമിഷന് സുമുഖനായ മഹാബലിയെയാണ് പരിചയപ്പെടുത്തിയത്. ഐ.ആര്.ഡി.പി മേളയില് എത്തിയ മഹാബലിക്ക് ഉപ്പേരിയും പുതുവസ്ത്രങ്ങളും നല്കിയാണ് സ്വീകരിച്ചത്. കോന്നി ഗ്രാമപഞ്ചായത്ത് പ്രസിഡന്റ് ബാബു വെളിയത്ത്, ബ്ളോക് പ്രസിഡന്റ് എലിസബത്ത് അബു എന്നിവര് സ്വീകരണ ഘോഷയാത്രയില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.