പാപ്പിനിശ്ശേരി: പാപ്പിനിശ്ശേരി ഗവ. മാപ്പിള എല്.പി സ്കൂളിന്െറ പാചകപ്പുര ശക്തമായ മഴയില് തകര്ന്നു. ബുധനാഴ്ച പുലര്ച്ചെയാണ് സ്കൂള് കെട്ടിടത്തോട് ചേര്ന്ന് നിര്മിച്ച പാചകപ്പുര തകര്ന്നുവീണത്. അടുപ്പിന്െറ പുകക്കുഴലും തകര്ന്നിട്ടുണ്ട്. സ്കൂള് കെട്ടിടം വാടകക്കായതിനാല് പുതിയ പാചകപ്പുര നിര്മിക്കാന് സര്ക്കാറില്നിന്ന് സാമ്പത്തിക സഹായം ലഭിക്കാത്ത അവസ്ഥയാണ്. ഇതേതുടര്ന്ന് പുതിയ പാചകപ്പുര നിര്മിക്കുന്നതിന് സ്കൂള് സംരക്ഷണ സമിതിയുടെ നേതൃത്വത്തില് ശ്രമം നടന്നുകൊണ്ടിരിക്കുമ്പോഴാണ് പാചകപ്പുര തകര്ന്നുവീണത്. ഇതേതുടര്ന്ന് ഇന്നലെ സ്കൂള് വരാന്തയില് താല്ക്കാലിക അടുപ്പ് നിര്മിച്ചാണ് കുട്ടികള്ക്കുള്ള ഉച്ചഭക്ഷണം പാകം ചെയ്തത്. പാപ്പിനിശ്ശേരി എ.ഇ.ഒ ലീലാമ്മ ടീച്ചര്, പഞ്ചായത്ത് പ്രസിഡന്റ് സി. റീന തുടങ്ങിയവര് സ്കൂള് സന്ദര്ശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.