ശ്രീകണ്ഠപുരം: ഹിരോഷിമ ദിനത്തില് യുദ്ധവിരുദ്ധ സന്ദേശമടങ്ങിയ കൂറ്റന് വിളംബര പത്രമൊരുക്കി ശ്രീകണ്ഠപുരം ഗവ. ഹയര് സെക്കന്ഡറി വിദ്യാര്ഥികള്. ഗസ്സ കൂട്ടക്കുരുതിക്കെതിരായ പ്രതിഷേധവും വിളംബര പത്രത്തിലൂടെ വ്യക്തമാക്കി. അജയന് വളക്കൈ വിളംബരം ഉദ്ഘാടനം ചെയ്തു. ഹെഡ്മാസ്റ്റര് കെ.ജെ. തോമസ്, രമേശന് ബ്ളാത്തൂര്, വി. പത്മരാജന്, എം.കെ. രാജീവന്, എം.വി. നാരായണന്, കെ.പി. സുനില്കുമാര്, കെ. റഷീദ് എന്നിവര് സംസാരിച്ചു. പയ്യന്നൂര്: ഗസ്സയിലെ കുഞ്ഞു സഹോദരങ്ങളുടെ രക്തം ചീന്തുന്ന ഭീകരതക്കെതിരെ തായിനേരി എസ്.എ.ബി.ടി.എം ഹൈസ്കൂളിലെ ജൂനിയര് റെഡ്ക്രോസ് കാഡറ്റുകള് കറുത്ത ബാഡ്ജ് ധരിച്ച് പ്രതിഷേധ മൗനജാഥ നടത്തി. കുഞ്ഞുങ്ങള്ക്ക് ആദരാഞ്ജലി അര്പ്പിച്ച് എം.ഐ. നാരായണന് നമ്പൂതിരി, വി.കെ. കമലാക്ഷന്, ഒ.കെ. അപ്പന് എന്നിവര് സംസാരിച്ചു. ക്യാപ്റ്റന് ശ്രീഹരി, ആദിത്യശ്രീ എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.