കോഴിക്കോട്: ചെറിയ പെരുന്നാള് പിറ്റേന്ന് അവധിയെടുത്തതിന് കളന്തോട് കെ.എം.സി.ടി പോളിടെക്നിക് കോളജിലെ 600 വിദ്യാര്ഥികള്ക്ക് രണ്ട് മാസത്തേക്ക് സസ്പെന്ഷന്. അനധികൃതമായി അവധിയെടുത്തെന്ന് കാണിച്ച് പ്രിന്സിപ്പലിന്േറതാണ് നടപടി. രണ്ട്, മൂന്ന് വര്ഷ വിദ്യാര്ഥികള്ക്കെതിരെയാണ് സസ്പെന്ഷന്. ആദ്യമായാണ് ഇത്രയും പേര്ക്ക് ഒന്നിച്ച് സസ്പെന്ഷന് ലഭിക്കുന്നതെന്ന് വിദ്യാര്ഥികള് പറഞ്ഞു. പെരുന്നാള് പിറ്റേന്ന് അവധി നല്കാത്തതില് പ്രതിഷേധിച്ച് വിദ്യാര്ഥികള് കൂട്ട അവധിയെടുത്തതാണ് അധികൃതരെ ചൊടിപ്പിച്ചത്. അധികൃതരുടെ നടപടിയില് പ്രതിഷേധിച്ച് എം.എസ്.എഫ് വെള്ളിയാഴ്ച പോളി ടെക്നിക് കോളജിലേക്ക് മാര്ച്ച് നടത്തും. പിഴ ഈടാക്കാനുള്ള കുറുക്കു വഴിയാണ് അധികൃതര് പയറ്റുന്നതെന്നും ഇത് നേരിടുമെന്നും എം.എസ്.എഫ് സംസ്ഥാന പ്രസിഡന്റ് ടി.പി അഷ്റഫലി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.