ആലപ്പുഴ: കേരള ബാര്ബര്-ബ്യൂട്ടീഷ്യന്സ് തൊഴിലാളി ക്ഷേമപദ്ധതിയിലെ അംഗങ്ങളുടെ മക്കള്ക്ക് 2014-15 അധ്യയനവര്ഷത്തെ ഉന്നത വിദ്യാഭ്യാസ ഗ്രാന്റിന് അപേക്ഷിക്കാം. 2014-15 അധ്യയനവര്ഷത്തില് പ്ളസ് വണ്/വി.എച്ച്.എസ്.സി/ടി.ടി.സി/സാനിട്ടറി കോഴ്സ്/എസ്.എസ്.എല്.സിക്ക് ശേഷമുള്ള കമ്പ്യൂട്ടര് കോഴ്സുകള് (സര്ക്കാര് അംഗീകൃത സ്ഥാപനങ്ങളില്നിന്ന് മാത്രം), ബി.എ/ബി.എസ്സി/ബി.കോം/പി.ജി.ഡി.സി.എ/ബി.എഡ്/പോളിടെക്നിക്/എന്ജിനീയറിങ്/മെഡിസിന്/അഗ്രികള്ച്ചര്/വെറ്ററിനറി/എം.ഫില്/എം.സി.എ/എം.എസ്സി/എം.കോം/എം.എഡ് (സര്ക്കാര് അംഗീകാരമുള്ളതോ അംഗീകൃത യൂനിവേഴ്സിറ്റിയുടെ അംഗീകാരമുള്ളതോ മാത്രം) തുടങ്ങിയ കോഴ്സുകളില് ഒന്നാംവര്ഷം പഠിക്കുന്ന വിദ്യാര്ഥികള്ക്ക് വിദ്യാഭ്യാസ ആനൂകൂല്യത്തിന് അപേക്ഷിക്കാം.ഏതൊരു കോഴ്സിനും അഡ്മിഷന് ലഭിച്ച് 60 ദിവസത്തിനകം അപേക്ഷ പദ്ധതികളിലെ ബന്ധപ്പെട്ട ജില്ലാ എക്സിക്യൂട്ടീവ് ഓഫിസര്ക്ക് നല്കണം. അപേക്ഷയോടൊപ്പം മാര്ക്ക് ലിസ്റ്റ്, അംഗത്വ കാര്ഡ്, ബാങ്ക് പാസ്ബുക് ആദ്യപേജ്, അവസാന പേജ്, വിദ്യാര്ഥിയും അംഗവും തമ്മിലെ ബന്ധം തെളിയിക്കുന്നതിന് റേഷന് കാര്ഡ് എന്നിവയുടെ ഗസറ്റഡ് ഓഫിസര് സാക്ഷ്യപ്പെടുത്തിയ പകര്പ്പ് എന്നിവ ഉള്ളടക്കം ചെയ്യണം. അപേക്ഷഫോറം ജില്ലാ എക്സിക്യൂട്ടീവ് ഓഫിസറുടെ ഓഫിസില് ലഭിക്കും. തപാലില് ലഭിക്കുന്നതിന് അഞ്ചു രൂപ സ്റ്റാമ്പ് പതിച്ച 22:10 സെ.മീ. വലുപ്പമുള്ള കവര് സഹിതം അപേക്ഷിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.