കായംകുളം: പത്തിയൂരില് പൊലീസ് റെയ്ഡില് ലക്ഷങ്ങള് വിലവരുന്ന നിരോധിത പുകയില ഉല്പന്നങ്ങള് പിടികൂടി. പത്തിയൂര് കിഴക്ക് ഏനാകുളങ്ങര ഷംന മന്സിലില് ഷാജിയുടെ (32) വീട്ടില്നിന്നാണ് ഏകദേശം 15 ലക്ഷത്തോളം രൂപ വിലവരുന്ന പുകയില ഉല്പന്നങ്ങള് പിടികൂടിയത്. ഇയാളുടെ വീട്ടിലും കുടുംബ വീട്ടിലുമായി ചാക്കുകളില് സൂക്ഷിച്ചിരുന്ന ഹാന്സ്, കൂള്, പരാഗ്, ശംഖ് തുടങ്ങി നിരവധി ബ്രാന്ഡുകളാണ് പിടിച്ചെടുത്തത്. കുളിമുറിയിലടക്കം സൂക്ഷിച്ചിരുന്ന 27 ചാക്കാണ് ലഭിച്ചത്. കായംകുളം, മുതുകുളം, ഹരിപ്പാട്, ചെട്ടികുളങ്ങര തുടങ്ങിയ സ്ഥലങ്ങളിലെ ചെറുകിട കച്ചവടക്കാര്ക്ക് വില്ക്കുന്നതിന് സൂക്ഷിച്ചിരുന്നതാണ്. രഹസ്യവിവരത്തിന്െറ അടിസ്ഥാനത്തിലാണ് റെയ്ഡ് നടത്തിയതെന്ന് കരീലക്കുളങ്ങര എസ്.ഐ ശ്രീജിത് പറഞ്ഞു. ചെങ്ങന്നൂര്: പുകയില ഉല്പന്നങ്ങള് പിടികൂടി. രണ്ടുപേരെ ചെങ്ങന്നൂര് പൊലീസ് അറസ്റ്റുചെയ്തു. ചെങ്ങന്നൂര് കെ.എസ്.ആര്.ടി.സി ബസ് സ്റ്റേഷനില് ചായക്കടകള് നടത്തുന്ന തിട്ടമേല് കൊച്ചുപുരക്കല് വീട്ടില് മധു (42), അങ്ങാടിക്കല് സ്വദേശി മുത്തുപട്ടര് (48) എന്നിവരാണ് അറസ്റ്റിലായത്. മുത്തുപട്ടരെ ഇതിനുമുമ്പും ഇതേ കേസില് പൊലീസ് അറസ്റ്റുചെയ്തിട്ടുണ്ട്. ഹരിപ്പാട്: ഡാണാപ്പടി ഭാഗത്തെ കടയില് പൊലീസ് നടത്തിയ പരിശോധനയില് നിരോധിത പുകയില ഉല്പന്നങ്ങള് പിടികൂടി. കടയുടമ ശ്രീഭവനത്തില് സുരേഷ്കുമാറിനെ അറസ്റ്റുചെയ്തു. ഹരിപ്പാട് മേഖലയില് പുകയില ഉല്പന്നങ്ങള് വിതരണം ചെയ്യുന്ന മൊത്തവ്യാപാരിയാണ് ഇയാളെന്ന് പൊലീസ് പറഞ്ഞു. സമാനമായ മറ്റ് മൂന്ന് കേസുകളും ഇയാളുടെ പേരിലുണ്ട്. എസ്.ഐ രാജേഷ്, നിഷാദ്, ഇക്ബാല് എന്നിവര് പരിശോധനയില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.