സുല്ത്താന് ബത്തേരി: തൊഴിലുറപ്പ് പദ്ധതിയില് ആറുമാസമായി മുടങ്ങിയ വേതനം നല്കാന് സര്ക്കാര് ഫണ്ട് നല്കിയിട്ടും ബത്തേരി പഞ്ചായത്തില് വിതരണം ചെയ്യാത്തതില് തൊഴിലാളികളുടെ പ്രതിഷേധം. മറ്റു പഞ്ചായത്തുകളില് വിതരണം നടക്കുന്നുണ്ട്. പഞ്ചായത്തധികൃതരുടെ അനാസ്ഥയാണ് വേതന വിതരണം മുടങ്ങാനിടയായതെന്നാരോപിച്ച് തൊഴിലാളികള് കഴിഞ്ഞ ദിവസം പഞ്ചായത്ത് ഓഫിസ് ഉപരോധിച്ചു. 60 ലക്ഷത്തോളം രൂപയാണ് ബത്തേരി പഞ്ചായത്തില് തൊഴിലാളികള്ക്ക് വിതരണം ചെയ്യാനുള്ളത്. ജോ. പ്രോഗ്രാം കോഓഡിനേറ്റര് റിപ്പോര്ട്ടില് പഞ്ചായത്തിനെ കുറ്റപ്പെടുത്തിയ പശ്ചാത്തലത്തിലാണ് സമരം.എന്.ആര്.ഇ.ജി വര്ക്കേഴ്സ് യൂനിയന്െറ നേതൃത്വത്തില് നടന്ന ഉപരോധ സമരം ജില്ലാ ട്രഷറര് സുരേഷ് താളൂര് ഉദ്ഘാടനം ചെയ്തു. ബാബു അബ്ദുറഹ്മാന്, വി.പി. സുഹാസ്, കെ.എല്. ലോലിത, ബിന്ദു പ്രമോദ്, കെ.സി. തങ്കമണി, രജനി വിശ്വന്, സിന്ധു നാരായണന്, പി.ആര്. നിഷ, കെ.വി. ശ്രീരാമന് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.