ചാരുംമൂട്: ബോണസ് കുടിശ്ശിക നല്കാത്തതില് പ്രതിഷേധിച്ച് തൊഴിലാളികള് കശുവണ്ടി ഫാക്ടറിക്ക് മുന്നില് കുത്തിയിരുന്ന് പ്രതിഷേധിച്ചു. കരിമുളക്കലില് പ്രവര്ത്തിക്കുന്ന കോര്പറേഷന് വക കശുവണ്ടി ഫാക്ടറിക്ക് മുന്നിലാണ് കഴിഞ്ഞ ജനുവരിയില് നല്കേണ്ട ബോണസ് കുടിശ്ശിക നല്കാത്തതില് പ്രതിഷേധിച്ച് വിവിധ യൂനിയനുകളില്പ്പെട്ട തൊഴിലാളികള് കുത്തിയിരുപ്പ് സമരം നടത്തിയത്. ശനിയാഴ്ച രാവിലെ ഏട്ടോടെയായിരുന്നു സമരം തുടങ്ങിയത്. യൂനിയനുകള് അറിയാതെ തൊഴിലാളികള് ഒറ്റക്കെട്ടായി നടത്തിയ സമരമറിഞ്ഞ് വിവിധ യൂനിയന് നേതാക്കളും എത്തിയിരുന്നു. പിന്നീട് യൂനിയന് നേതാക്കളുമായി അധികൃതര് സംസാരിക്കുകയും ജൂണ് 18ന് തന്നെ കുടിശ്ശിക വിതരണം ചെയ്യാമെന്ന് തൊഴിലാളികളോട് പറഞ്ഞെങ്കിലും സമരം അവസാനിപ്പിക്കാന് അവര് തയാറായില്ല. തുടര്ന്ന് ഉച്ചക്ക് രണ്ടോടെ ചെക്കിങ് ഇന്സ്പെക്ടര് സ്ഥലത്തെത്തി ജൂണ് 18ന് തന്നെ കുടിശ്ശിക ബോണസ് നല്കുമെന്ന് ഉറപ്പുനല്കിയതിനെ തുടര്ന്നാണ് തൊഴിലാളികള് സമരം അവസാനിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.