കല്പറ്റ: കെ.എസ്.ആര്.ടി.സി മാനന്തവാടി വഴി രണ്ട് ദീര്ഘദൂര സര്വീസുകള് ഉടന് ആരംഭിക്കുമെന്ന് പട്ടികവര്ഗ ക്ഷേമ-യുവജന മന്ത്രി പി.കെ. ജയലക്ഷ്മി അറിയിച്ചു. ഇതിനായി രണ്ട് ലക്ഷ്വറി ക്ളാസ് മള്ട്ടി ആക്സില് വോള്വോ ബസുകള് അനുവദിച്ചതായി ഗതാഗത മന്ത്രി തിരുവഞ്ചൂര് രാധാകൃഷ്ണന്െറ ഓഫിസില്നിന്ന് അറിയിപ്പ് ലഭിച്ചതായും മന്ത്രി പറഞ്ഞു. സംസ്ഥാനത്ത് കെ.എസ്.ആര്.ടി.സി പുതുതായി വാങ്ങിയ ലക്ഷ്വറി ബസുകളില് രണ്ടെണ്ണമാണ് ഇവിടേക്ക് അനുവദിച്ചിട്ടുള്ളത്. തിരുവനന്തപുരം-കോഴിക്കോട്-മാനന്തവാടി-കുട്ട വഴി ബംഗളൂരിലേക്കും തിരിച്ചുമാണ് ബസുകള് സര്വീസ് നടത്തുക. ദിവസേന നൂറുകണക്കിനാളുകള് യാത്ര ചെയ്യുന്ന ഈ റൂട്ടില് ഇതുവരെ സ്വകാര്യ ടൂറിസ്റ്റ് ബസുകളും കര്ണാടക സര്ക്കാറിന്െറ ബസുകളുമായിരുന്നു യാത്രക്കാര്ക്ക് ആശ്രയം. ദീര്ഘദൂര യാത്രകളില് ജനങ്ങള്ക്കുണ്ടാകുന്ന ബുദ്ധിമുട്ട് ചൂണ്ടിക്കാട്ടി മന്ത്രി ജയലക്ഷ്മി ഗതാഗതമന്ത്രിക്ക് നല്കിയ കത്തിന്െറ അടിസ്ഥാനത്തിലാണ് നടപടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.