വെട്ടത്തൂര്: 15 പേര് മരിക്കാനും നിരവധിപേര്ക്ക് പരിക്കേല്ക്കാനും ഇടയാക്കിയ തേലക്കാട് ബസപകടം നടന്ന പൂവക്കുണ്ട് പ്രദേശത്ത് വീണ്ടും വാഹനാപകടം. ബസപകടം നടന്ന സ്ഥലത്തുനിന്ന് മീറ്ററുകള്ക്കടുത്താണ് ബൈക്കുകള് കൂട്ടിയിടിച്ച് അപകടമുണ്ടായത്. തിങ്കളാഴ്ച രാത്രി 7.20നാണ് സംഭവം. തേലക്കാട് ഭാഗത്തുനിന്ന് വന്ന ബൈക്കും പെരിന്തല്മണ്ണ ഭാഗത്തുനിന്ന് വരികയായിരുന്ന ബൈക്കുമാണ് കൂട്ടിയിടിച്ചത്. അപകടത്തില് മൂന്നുപേര്ക്ക് പരിക്കേറ്റു. തേലക്കാട് ചക്കാലക്കല് ശഫീഖ് (26), മാടാമ്പാറ ഉമറിന്െറ മകന് മുഹമ്മദ് മുസ്തഫ (27), മേല്ക്കുളങ്ങര കരുവാത്തകുന്ന് നെച്ചിത്തൊടി അബ്ദുല് ഖാദറിന്െറ മകന് റഹീം (25) എന്നിവര്ക്കാണ് പരിക്കേറ്റത്. ഇവരെ പെരിന്തല്മണ്ണയിലെ സ്വകാര്യ ആശുപത്രികളില് പ്രവേശിപ്പിച്ചു. ഒരാള് തീവ്ര പരിചരണ വിഭാഗത്തിലാണ്. ദിവസങ്ങള്ക്കുമുമ്പ് കെ.എസ്.ആര്.ടി.സി ബസും ടിപ്പര്ലോറിയും കൂട്ടിയിടിച്ച് പൂവക്കുണ്ടില് അപകടമുണ്ടായിരുന്നു. പ്രദേശം അപകടമേഖലയായി തുടരുമ്പോഴും മുന്നറിയിപ്പ് സംവിധാനങ്ങള് ഒരുക്കിയിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.