തിരുനെല്ലി: പണിയ വിഭാഗത്തിലെ വിദ്യാര്ഥികള് മാത്രം പഠിക്കുന്ന തിരുനെല്ലി ഗവ. ആശ്രമം സ്കൂളിന് നൂറുമേനി. 17 പെണ്കുട്ടികളും 12 ആണ്കുട്ടികളുമടക്കം 29 പേരാണ് പരീക്ഷയെഴുതിയത്. 29 പേരും കടമ്പ കടന്നു. എല്ലാവര്ക്കും സി പ്ളസും അതിനു മുകളിലുമാണ് ഗ്രേഡ്. പണിയ സമുദായത്തിലെ വിദ്യാര്ഥികള് മാത്രം പഠിക്കുന്ന സംസ്ഥാനത്തെ ഏക സ്ഥാപനമാണിത്. ഇല്ലായ്മക്കിടയില്നിന്ന് വരുന്ന വിദ്യാര്ഥികളെ ഉന്നത വിജയത്തിലേക്ക് എത്തിക്കാനായത് വന് നേട്ടമായി. കഴിഞ്ഞ തവണയും 100 ശതമാനം വിജയം നേടിയിരുന്നു. അന്ന് 33 പേരാണ് പരീക്ഷയെഴുതിയത്. കുട്ടികള് സ്കൂളില് താമസിച്ചാണ് പഠിക്കുന്നത്. ജൂണ് മുതല് രാത്രി കാലങ്ങളില് പ്രത്യേക ക്ളാസുകള് വിദ്യാര്ഥികള്ക്ക് നല്കിയിരുന്നു. ആകെയുള്ള 16 അധ്യാപകരും സ്കൂളില് താമസിക്കുന്നുണ്ട്. എ. ജയരാജനാണ് പ്രധാനാധ്യാപകന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.