വാരാണസി: തെരഞ്ഞെടുപ്പ് പ്രചരണത്തിനായി വാരാണസിയിലത്തെിയ ആം ആദ്മി പാ൪ട്ടി അധ്യക്ഷൻ അരവിന്ദ് കെജ്രിവാളിനു നേരെ ചീമുട്ടയേറും മഷിപ്രയോഗവും. രാവിലെ കാശി വിശ്വനാഥ ക്ഷേത്രത്തിൽ ദ൪ശനം കഴിഞ്ഞിറങ്ങുമ്പോഴാണ് കെജ്രിവാളിന്്റെ വാഹനത്തിനു നേരെ ചീമുട്ടയേറുണ്ടായത്. കെജ്രിവാളിനു നേരെ ഗോ ബാക്ക് മുദ്രാവാക്യവുമായി ബി.ജെ.പി പ്രവ൪ത്തക൪ പ്രകടനം നടത്തി.
വൈകിട്ട് ബെനിയാബാഗ് മൈതാനത്ത് നടക്കുന്ന പാ൪ട്ടി റാലിക്ക് മുന്നോടിയായുള്ള റോഡ് ഷോക്കിടെയാണ് ഒരു സംഘം കെജ്രിവാളിന്്റെ ദേഹത്തേക്ക് മഷി ഒഴിച്ചത്. കെജ്രിവാളിനൊപ്പം വാഹനത്തിലുണ്ടായിരുന്ന മനീഷ് സിസോദിയ അടക്കമുള്ള ഏതാനും നേതാക്കളുടെ ദേഹത്താണ് മഷി വീണത്. ഗംഗയിൽ മുങ്ങി കുളിച്ച ശേഷമാണ് കെജ്രിവാൾ റോഡ് ഷോയിൽ പങ്കെടുത്തത്.
കെജ്രിവാളിനു നേരെയുണ്ടായ അക്രമങ്ങളിൽ പ്രതിഷേധിച്ച് എ.എ.പി പ്രവ൪ത്തക൪ പ്രകടനം നടത്തി.
ബി.ജെ.പി.യുടെ പ്രധാനമന്ത്രി സ്ഥാനാ൪ഥി നരേന്ദ്ര മോദിക്കെതിരെ വാരാണസി സീറ്റിൽ മത്സരിക്കുന്ന കാര്യം പാ൪ട്ടി റാലിയിൽ കെജ്രിവാൾ പ്രഖ്യാപിച്ചേക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.