ചെ൪പ്പുളശ്ശേരി: മലപ്പുറം ജില്ലയിലെ കട്ടുപ്പാറ സെക്ഷൻ ഓഫിസിന് കീഴിലായിരുന്ന പാലക്കാട് ജില്ലയിലെ എണ്ണൂറിലധികം വരുന്ന വൈദ്യുതി ഉപഭോക്താക്കളിൽ അഞ്ഞൂറിലധികം പേരെ പേങ്ങാട്ടിരി സെക്ഷൻ ഓഫിസിന് കീഴിലാക്കി.
ബില്ലടക്കൽ മാത്രം പേങ്ങാട്ടിരി സെക്ഷൻ ഓഫിസിലായിരുന്നെങ്കിലും സപൈ്ള സംബന്ധിച്ച മറ്റു കാര്യങ്ങൾക്കെല്ലാം മലപ്പുറം ജില്ലയിലെ കട്ടുപ്പാറ സെക്ഷൻ ഓഫിസിനെ സമീപിക്കേണ്ട ഗതികേടിലായിരുന്നു ഉപഭോക്താക്കൾ. കുളപ്പിട, തച്ചങ്ങാട്, മാവുണ്ടിരി, കമ്പംതൊടി, വരണമംഗലം ഗ്രാമപ്രദേശങ്ങളിലെ ഉപഭോക്താക്കളുടെ പ്രശ്നങ്ങൾക്ക് പരിഹാരമായത് മന്ത്രി ആര്യാടൻ മുഹമ്മദിൻെറ ഇടപെടലിലൂടെയാണ്. യു.ഡി.എഫ് നേതാക്കളായ മരക്കാ൪ മാരായമംഗലം, ഇമ്പാനു വരേങ്ങൽ, കെ. രാജീവ്, കെ. അബൂബക്ക൪, മേലാടയിൽ വാപ്പുട്ടി, പി. ബാലൻ, എം. റസാക്ക്, കെ.ടി. മൂസ, എ. കണ്ണൻ, സി. മൊയ്തുപ്പു, നാസ൪ മാവുണ്ടിര, ബാബു എഴുവന്തല എന്നിവ൪ മന്ത്രിക്ക് നിവേദനം നൽകിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.