മാനന്തവാടി: നരേന്ദ്ര മോഡിയെ പുകഴ്ത്തിയും ഇകഴ്ത്തിയും സ്ഥാപിച്ച ബോ൪ഡുകൾ നശിപ്പിച്ചതിൽ പ്രതിഷേധിച്ച് സി.പി.എമ്മും ബി.ജെ.പി പ്രവ൪ത്തകരും തമ്മിൽ കൊയിലേരിയിൽ സംഘ൪ഷം. വ്യാഴാഴ്ച രാത്രിയാണ് സി.പി.എം സ്ഥാപിച്ച ബോ൪ഡ് സാമൂഹികവിരുദ്ധ൪ നശിപ്പിച്ചത്. ഇതിൽ പ്രതിഷേധിച്ച് വെള്ളിയാഴ്ച വൈകുന്നേരം ഡി.വൈ.എഫ്.ഐ പ്രവ൪ത്തക൪ കൊയിലേരി അങ്ങാടിയിൽ പ്രതിഷേധ പ്രകടനം നടത്തുന്നതിനിടെ ബി.ജെ.പിയുടെ കൊടിമരം നശിപ്പിച്ചിരുന്നത്രെ. ഇതിൽ പ്രതിഷേധിച്ച് ബി.ജെ.പി പ്രവ൪ത്തക൪ അര മണിക്കൂറോളം പനമരം, മാനന്തവാടി റോഡ് കൊയിലേരിയിൽ ഉപരോധിച്ചു. ഇതേതുട൪ന്ന് മാനന്തവാടി ഡിവൈ.എസ്.പി എ.ആ൪. പ്രേംകുമാറിൻെറ നേതൃത്വത്തിലെത്തിയ പൊലീസ് സംഘം ഉപരോധക്കാരെ ലാത്തിവീശി ഓടിച്ചു. ഇതോടെയാണ് സംഘ൪ഷത്തിന് അയവുവന്നത്. ശനിയാഴ്ച ഡിവൈ.എസ്.പിയുടെ നേതൃത്വത്തിൽ പ്രദേശത്ത് സമാധാനയോഗം ചേരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.