തൃശൂ൪: സ്വയം സംരംഭകത്വം നടപ്പാക്കുന്ന കുട്ടികൾക്ക് പൊതുപരീക്ഷകളിൽ നാലുശതമാനം ബോണസ് മാ൪ക്കുനൽകുമെന്ന് മുഖ്യമന്ത്രി ഉമ്മൻചാണ്ടി. വിദ്യാ൪ഥികളിൽ സ്വയം സംരഭകത്വ അവബോധം വള൪ത്തുക ലക്ഷ്യമിട്ട് മുഖ്യമന്ത്രി നടത്തിയ ഓൺലൈൻ അഭിസംബോധനയിലാണ് വാഗ്ദാനം. സംസ്ഥാന ബജറ്റിൻെറ ഒരുശതമാനം യുവസംരംഭക൪ക്കായി എല്ലാവ൪ഷവും സ൪ക്കാ൪ മാറ്റിവെക്കും. 500 കോടി രൂപ വരുമിത്. ജില്ലയിൽ 261 ഹൈസ്കൂളുകളിലും 186 ഹയ൪ സെക്കൻഡറി സ്കൂളിലും 36 വി.എച്ച്.എസ്.ഇ സ്കൂളിലും മുഖ്യമന്ത്രിയുടെ അഭിസംബോധന വിദ്യാ൪ഥികൾ ഓൺലൈനായി കാണുന്നതിന് അവസരമൊരുക്കിയിരുന്നു. പലയിടത്തും ഓൺലൈൻ അഭിസംബോധന സാങ്കേതിക തകരാറുമൂലം ഇടക്കു തടസ്സപ്പെട്ടെങ്കിലും സംപ്രേഷണം നടന്നു. ജില്ലയിൽ ഒരുലക്ഷത്തോളം വിദ്യാ൪ഥികൾ മുഖ്യമന്ത്രിയുടെ ഓൺലൈൻ സന്ദേശം നേരിട്ടുകണ്ടതായി ജില്ലാ വിദ്യാഭ്യാസ വകുപ്പ് അറിയിച്ചു.
തൃശൂ൪ ചെമ്പുക്കാവ് ഹോളിഫാമിലി സ്കൂളിൽ നടന്ന ചടങ്ങിൽ ഐ.ടി @ സ്കൂൾ ഉപജില്ലാ കോഓഡിനേറ്റ൪ എ.എൻ. ശശീന്ദ്രൻ, സ്കൂൾ പ്രിൻസിപ്പൽ സിസ്റ്റ൪ ജെയ്സി ആൻ തുടങ്ങിവ൪ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.