ബംഗളൂരു: ബംഗളൂരു സ്ഫോടന പരമ്പരക്കേസിൽ പ്രതിയായി ജയിലിൽ കഴിയുന്ന അബ്ദുന്നാസി൪ മഅ്ദനിക്ക് ജാമ്യം ലഭിക്കാൻ ഇടപെടണമെന്ന് ആവശ്യപ്പെട്ട് വെൽഫെയ൪ പാ൪ട്ടി ഭാരവാഹികൾ ക൪ണാടക ആഭ്യന്തരമന്ത്രി കെ.ജെ. ജോ൪ജിനെ സന്ദ൪ശിച്ചു. ദേശീയ വൈസ് പ്രസിഡൻറും മുൻമന്ത്രിയുമായ ബി.ടി. ലളിത നായിക്കിൻെറ നേതൃത്വത്തിലാണ് മന്ത്രിയെ കണ്ടത്.
കുറ്റവാളിയോ നിരപരാധിയോ എന്ന് തെളിയിക്കപ്പെടാതെ മഅ്ദനിയുടെ ജയിൽവാസം അനന്തമായി നീളുകയാണെന്ന് ഭാരവാഹികൾ ചൂണ്ടിക്കാട്ടി. മഅ്ദനിക്ക് ചികിത്സ ഉറപ്പുവരുത്താൻ ആവശ്യമായ നടപടി സ്വീകരിക്കണമെന്നും അവ൪ ആവശ്യപ്പെട്ടു.
മഅ്ദനിയുടെ കാര്യത്തിൽ കഴിയാവുന്നത് ചെയ്യുമെന്ന് കെ.ജെ. ജോ൪ജ് ഉറപ്പുനൽകിയതായി ഭാരവാഹികൾ അറിയിച്ചു. ദേശീയ ജനറൽ സെക്രട്ടറി പി.സി. ഹംസ, സംസ്ഥാന ജനറൽ സെക്രട്ടറി അംബുജാക്ഷൻ, സംസ്ഥാന വൈസ് പ്രസിഡൻറുമാരായ അബ്ദുൽ ഹമീദ് വാണിയമ്പലം, തെന്നിലാപുരം രാധാകൃഷ്ണൻ, കേരള സെക്രട്ടറി റസാഖ് പാലേരി, ക൪ണാടക സംസ്ഥാന പ്രസിഡൻറ് അക്ബറലി ഉഡുപ്പി എന്നിവരും സംഘത്തിലുണ്ടായിരുന്നു.
മണിപ്പാൽ കൂട്ടബലാത്സംഗത്തിൻെറ പശ്ചാത്തലത്തിൽ ക൪ണാടകയിൽ പഠിക്കുന്ന മലയാളി വിദ്യാ൪ഥിനികളുടെ സുരക്ഷ ഉറപ്പാക്കണമെന്നും ഭാരവാഹികൾ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.