ദാരിദ്ര്യനിര്‍മാര്‍ജനത്തില്‍ കുടുംബശ്രീയുടെ പങ്ക് വലുത് -മന്ത്രി പി.ജെ. ജോസഫ്

തൊടുപുഴ: ദാരിദ്ര്യ നി൪മാ൪ജനത്തിൽ കുടുംബശ്രീ വലിയ പങ്ക് വഹിച്ചിട്ടുണ്ടെന്ന് ജലവിഭവ മന്ത്രി പി.ജെ. ജോസഫ് പറഞ്ഞു. കുടുംബശ്രീ 15ാമത് ജില്ലാതല വാ൪ഷികത്തോടനുബന്ധിച്ച പൊതുസമ്മേളനം തൊടുപുഴയിൽ ഉദ്ഘാടനം ചെയ്യുകയായിരുന്നു അദ്ദേഹം. ഗാ൪ഹികരംഗത്തെപ്പോലെ മറ്റ് മേഖലകളിലും തൊഴിൽ കണ്ടെത്താൻ ശ്രദ്ധിക്കണമെന്നും അദ്ദേഹം പറഞ്ഞു.

തൊടുപുഴ മുനിസിപ്പൽ ചെയ൪മാൻ ടി.ജെ. ജോസഫ് അധ്യക്ഷത വഹിച്ചു. മികച്ച സി.ഡി.എസിനുള്ള അവാ൪ഡ് പി.ടി. തോമസ് എം.പിയും 100 ശതമാനം അംഗത്വ പ്രഖ്യാപനം റോഷി അഗസ്റ്റിൻ എം.എൽ.എയും നടത്തി. ജില്ലാ പഞ്ചായത്ത് മെംബ൪ ഇന്ദു സുധാകരൻ, കുടുംബശ്രീ ഗവേണിങ് ബോ൪ഡ് മെംബ൪ കൊച്ചുത്രേസ്യാ എബ്രഹാം, തൊടുപുഴ ബ്ളോക് പഞ്ചായത്ത് പ്രസിഡൻറ് ലീലാമ്മ ജോസ്, പുറപ്പുഴ പഞ്ചായത്ത് പ്രസിഡൻറ് റെനീഷ്, കോടിക്കുളം പഞ്ചായത്ത് പ്രസിഡൻറ് അനീഷ് എന്നിവ൪ സമ്മാനദാനം നി൪വഹിച്ചു.