കട്ടപ്പന: ഏലത്തിൻെറ വിലയിടിവ് ക൪ഷക൪ക്ക് ഇരുട്ടടിയായി മാറുന്നു. വരൾച്ച നിമിത്തം ഭൂരിഭാഗം ക൪ഷകരുടെയും ഏലച്ചെടികൾ ഉണങ്ങി നശിച്ചതിന് പിന്നാലെ ഏലത്തിന് തുട൪ച്ചയായി ഉണ്ടായിക്കൊണ്ടിരിക്കുന്ന വിലക്കുറവ് ക൪ഷക൪ക്ക് കനത്ത ആഘാതമാണ് ഏൽപ്പിച്ചിരിക്കുന്നത്. കഴിഞ്ഞ സീസണിൽ കിലോഗ്രാമിന് 600 രൂപ മുതൽ 850 രൂപ വരെ വില ലഭിച്ചിരുന്ന ഏലത്തിന് ഇപ്പോൾ ലഭിക്കുന്നത് 450 മുതൽ 550 രൂപ വരെയാണ്.
കഴിഞ്ഞ വ൪ഷം ഏല ലേലത്തിന് കൂട്ടി വിളിക്കുന്ന തുക 50 പൈസയിൽ നിന്ന് രണ്ട് രൂപയായി ഉയ൪ത്തിയതിനെ തുട൪ന്ന് ലേല രംഗത്ത് പ്രതിസന്ധി ഉടലെടുത്തിരുന്നു. ഏലക്ക ലേലം വ്യാപാരികൾ ബഹിഷ്കരിച്ചതോടെ ക൪ഷക൪ കായ് വിറ്റഴിക്കാനാകാതെ പ്രതിസന്ധിയിലായിരുന്നു. രണ്ടുമാസത്തെ പ്രതിസന്ധിക്ക് ശേഷം ലേലം പുനരാരംഭിച്ചെങ്കിലും മാ൪ക്കറ്റിൽ ഏലത്തിൻെറ വരവ് കൂടിയതോടെ വില കുറഞ്ഞു. തുട൪ന്ന് ഏലം ബോ൪ഡ് ക൪ശന നടപടികൾ സ്വീകരിച്ചതോടെ വില മെച്ചപ്പെട്ടിരുന്നു.
എന്നാൽ, വില ഒരു പരിധിയിൽ കൂടുതൽ ഉയരുന്നത് വ്യാപാരികൾ ഇടപെട്ട് നിയന്ത്രിച്ചിരിക്കുകയാണ്. വ്യാപാരികളും ഏലം ലേല ഏജൻസികളും നടത്തുന്ന കള്ളക്കളികളാണ് വിലയിടിക്കുന്നതെന്നാണ് ക൪ഷകരുടെ ആരോപണം. ക൪ഷകരുടെ ആരോപണം ശരിവെക്കുന്ന രീതിയിലാണ് ഏലത്തിൻെറ ഇപ്പോഴത്തെ വിലയും.
പുതിയ സീസൺ തുടങ്ങുന്നതോടെ വില ഇനിയും ഇടിയുമെന്ന ഭീതിയിലാണ് ക൪ഷക൪. കൃഷിച്ചെലവിന് പോലും ഇപ്പോഴത്തെ വില തികയില്ല. ഈ സാഹചര്യ ത്തിൽ ഏലം കൃഷി തന്നെ ഉപേക്ഷിക്കേണ്ടി വരുമെന്ന ഭീതിയിലാണ് ക൪ഷക൪.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.