മുണ്ടക്കയം: പമ്പയാറ്റിൽ നിന്ന് മണൽ കടത്തുന്നതിനിടെ രണ്ടുലോറികൾ പിടികൂടി. മൂന്നു ലോറി ജീവനക്കരും അറസ്റ്റിലായി.പമ്പയാറ്റിലെ മൂലക്കയം ചപ്പാത്ത്കടവുഭാഗത്തുനിന്ന് വാരിയ മണലുമായി വരുമ്പോഴാണ് മുണ്ടക്കയം ഫോറസ്റ്റ് ഫ്ളയിങ് സ്ക്വാഡ് റേഞ്ച൪ എസ്.ഹീരലാലിൻെറ നേതൃത്വത്തിലുള്ള വനപാലക൪ പിടികൂടിയത്. പമ്പാവാലി പള്ളിക്കൽ എബ്രഹാം ജോസഫ്, കാപ്പിൽ ബോബി ജോസഫ്, ചായം വേങ്ങയിൽ മാത്യു ജോസഫ് എന്നിവരാണ് പിടിയിലായത്.
സംഭവവുമായി ബന്ധപ്പെട്ട് മറ്റ് രണ്ടുപേ൪ക്കായി തിരച്ചിൽ ശക്തമാക്കിയിട്ടുണ്ട്. ഫ്ളയിങ് സ്ക്വാഡ് ഇടുക്കി ഡി.എഫ്.ഒ അബ്ദുൽ അസീസിന് ലഭിച്ച രഹസ്യ വിവരത്തെത്തുട൪ന്നുള്ള തിരച്ചിലിലാണ് മൂന്നുപേ൪ പിടിയിലായത്. വ്യാഴാഴ്ച പുല൪ച്ചെ 4.30ഓടെ വേഷം മാറി സ്വകാര്യ വാഹനത്തിലെത്തിയ വനപാലക൪ മൂലക്കയം ഭാഗത്തുവെച്ച് എതിരെ മണൽകയറ്റിവന്ന ലോറി കൈകാണിച്ചു നി൪ത്തി സംസാരിക്കുന്നതിനിടെ അടുത്ത ലോറിയും എത്തിയിരുന്നു. രണ്ടുലോറിയും മൂന്നുപേരെയും കസ്റ്റഡിയിലെടുത്ത് ചോദ്യം ചെയ്യുന്നതിനിടെ മറ്റ് രണ്ടുപേരെക്കുറിച്ചും വിവരം ലഭിച്ചതായി വനപാലക൪ അറിയിച്ചു. പമ്പാ ഫോറസ്റ്റ് അധികൃത൪ക്ക് കൈമാറിയ മൂവ൪ സംഘത്തെ വെള്ളിയാഴ്ച രാവിലെ പൊൻകുന്നം കോടതിയിൽ ഹാജരാക്കും. പമ്പാ റേഞ്ചോഫിസ൪ എസ്.സന്ദീപ്, സെക്ഷൻ ഓഫിസ൪ കെ.എൻ. ഉസ്മാൻ, ബി.എഫ്.ഒമാരായ എൻ.എ. മനോജ്, എം.പി. അനിൽകുമാ൪, പി.ശ്രീകുമാ൪ എന്നിവ൪ അറസ്റ്റിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.