തേഞ്ഞിപ്പലം: സെ൪വ൪ തകരാറിലായതിനെ തുട൪ന്ന് കാലിക്കറ്റ് സ൪വകലാശാലാ പരീക്ഷാഭവനിലെ പി.ജി, പ്രഫഷനൽ കോഴ്സ് സെക്ഷനുകളുടെ പ്രവ൪ത്തനം നിലച്ചു. പൂ൪ണമായി കമ്പ്യൂട്ട൪വത്കരിച്ച ഈ സെക്ഷനുകളിൽ വിവിധ ആവശ്യങ്ങൾക്കെത്തുന്ന വിദ്യാ൪ഥികൾ തിരിച്ചുപോകുകയാണ്. നൂറുകണക്കിന് ജീവനക്കാരാകട്ടെ പണിയൊന്നുമില്ലാത്ത അവസ്ഥയിലും.
ഫെബ്രുവരി 18നാണ് ഡിജിറ്റൽ വിഭാഗത്തിലെ സെ൪വ൪ പണിമുടക്കിയത്. നന്നാക്കാൻ ശ്രമിച്ചെങ്കിലും പുതിയത് സ്ഥാപിക്കണമെന്ന നി൪ദേശവുമുയ൪ന്നിട്ടുണ്ട്. ഇക്കാര്യത്തിൽ തീരുമാനമാകാത്തതിനാൽ സെക്ഷനിലെ ജോലികൾ മുടങ്ങിയിരിക്കയാണ്.എം.എ, എം.എസ്സി, എം.കോം തുടങ്ങിയ പി.ജി കോഴ്സുകളും ബി.ടെക്, ബി.ആ൪ക്, എം.ബി.എ, എം.സി.എ, പാരാമെഡിക്കൽ കോഴ്സുകളെല്ലാം കൈകാര്യം ചെയ്യുന്ന സെക്ഷനുകളുടെ പ്രവ൪ത്തനമാണ് നിലച്ചത്.
വിദ്യാ൪ഥികളുടെ രജിസ്റ്റ൪ നമ്പറും വിലാസവും പോലും സൂക്ഷിക്കുന്നത് കമ്പ്യൂട്ടറുകളിലായതിനാൽ എന്താവശ്യത്തിനും സെക്ഷനിലെത്തുന്നവ൪ നിരാശരായി മടങ്ങുകയാണ്.
യൂനിവേഴ്സിറ്റിയിൽ വിദ്യാ൪ഥികൾ ഏത് അപേക്ഷയും സമ൪പ്പിക്കുന്നത് ഓൺലൈൻ വഴിയായതിനാൽ സെ൪വ൪ തകരാ൪ എല്ലാ പ്രവ൪ത്തനത്തെയും ബാധിക്കും. പ്രശ്നം പരിഹരിച്ചില്ലെങ്കിൽ അടുത്ത ദിവസങ്ങളിൽ നടത്തേണ്ട പരീക്ഷ മുടങ്ങുമെന്നാണ് ജീവനക്കാ൪ നൽകുന്ന സൂചന. 500ലേറെ ജീവനക്കാരാണ് ഈ സെക്ഷനിൽ ജോലി ചെയ്യുന്നത്. സ൪വകലാശാലാ തലപ്പത്തുള്ളവ൪ ഇക്കാര്യത്തിൽ ഉടൻ ഇടപെടണമെന്ന് ജീവനക്കാ൪ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.