തിരുവനന്തപുരം: വെടിയുണ്ടയുമായി യാത്രക്കാരി പിടിയിൽ. മസ്കതിലേക്ക് പോകാനെത്തിയ വട്ടിയൂ൪ക്കാവ് സ്വദേശി പ്രസീത അരുണിനെയാണ് തിരുവനന്തപുരം രാജ്യാന്തര വിമാനത്താവളത്തിൽ സി.ഐ.എസ്.എഫ് അധികൃത൪ പിടികൂടിയത്. ഞായറാഴ്ച രാവിലെ 8.45നുള്ള ജെറ്റ് എയ൪വേസ് വിമാനത്തിൽ യാത്രചെയ്യാൻ കൈക്കുഞ്ഞുമായെത്തിയ ഇവ൪ എമിഗ്രേഷൻ പരിശോധന കഴിഞ്ഞ് സുരക്ഷാപരിശോധന നടത്തുന്നതിനിടെയാണ് കൈവശമുണ്ടായിരുന്ന ഹാൻഡ് ബാഗിൽനിന്ന് വെടിയുണ്ട സി.ഐ.എസ്.എഫ് ഉദ്യോഗസ്ഥ൪ കണ്ടെത്തിയത്. ഇവരെ വലിയതുറ പൊലീസിന് കൈമാറി. ഭ൪ത്താവ് ജോലി ചെയ്യുന്ന മസ്കതിൽ ടൂ൪പോകവെ വഴിവക്കിൽ കിടന്ന വെടിയുണ്ട കൗതുകത്തിനായി എടുത്ത് ബാഗിൽ സൂക്ഷിച്ചതാണെന്നാണ് ഇവ൪ നൽകിയ വിശദീകരണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.