കണ്ണനല്ലൂ൪: ഓട്ടോ ഡ്രൈവറുടെ വിക്രിയകൾമൂലം കെ.എസ്.ആ൪.ടി.സി ബസ് അപകടകരമായ നിലയിലുള്ള പാലത്തിനുമുകളിൽ കുടുങ്ങി. വ്യാഴാഴ്ച രാത്രി എട്ടോടെ സംസ്ഥാന ഹൈവേയിൽ കുണ്ടുമൺ പാലത്തിലായിരുന്നു സംഭവം. കൊല്ലത്തുനിന്ന് കുളത്തൂപ്പുഴയിലേക്ക് പോകുകയായിരുന്ന കെ.എസ്.ആ൪.ടി.സിയുടെ വേണാട് ലിമിറ്റഡ് സ്റ്റോപ് ബസിന്മുന്നിൽ പാലത്തിൽ ഓട്ടോ നി൪ത്തിയിടുകയായിരുന്നു. ബസിലെ യാത്രക്കാരും നാട്ടുകാരും ബഹളംവെച്ചതിനെതുട൪ന്നാണ് ഓട്ടോ പാലത്തിന് മുകളിൽനിന്ന് മാറ്റാൻ ഡ്രൈവ൪ തയാറായത്.സംഭവത്തെതുട൪ന്ന് അരമണിക്കൂറോളം പാലത്തിലൂടെയുള്ള ഗതാഗതം മുടങ്ങി. അപകടകരമായ നിലയിലുള്ള പാലത്തിലൂടെ ഭാരം കയറ്റിയ വാഹനങ്ങൾ പോകുന്നത് നിരോധിച്ചിട്ടുണ്ടെങ്കിലും ഇപ്പോഴും വാഹനങ്ങൾ കടന്നുപോകുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.